ನಾಯಿಗಳ ದಾಳಿಗೆ 9 ಕುರಿಗಳ ಸಾವು

ಬೆಳಗಾವಿ: ತಾಲೂಕಿನ ಮಾರಿಹಾಳ-ತುಮ್ಮರಗುದ್ದಿ ನಡುವಿನ ಕೃಷಿ ಜಮೀನಿನಲ್ಲಿ ತಂಗಿದ್ದ ಕುರಿ ಹಿಂಡಿನ ಮೇಲೆ ಭಾನುವಾರ ರಾತ್ರಿ ಬಿಡಾಡಿ ನಾಯಿಗಳು ದಾಳಿ ನಡೆಸಿವೆ. ಘಟನಯಲ್ಲಿ ಒಂಬತ್ತು ಕುರಿಗಳು ಮೃತಪಟ್ಟಿವೆ.

ಸುಳಗಾ ಗ್ರಾಮದ ಪರಶುರಾಮ ಉಚಗಾಂವ ಮತ್ತು ಅವರ ಸಂಬಂಧಿಕರಿಗೆ ಸೇರಿದ 200ಕ್ಕೂ ಹೆಚ್ಚು ಕುರಿಗಳು ತುಮ್ಮರಗುದ್ದಿಯ ಮಾವಿನ ತೋಟದಲ್ಲಿ ಮೇಯಲು ತಂಗಿದ್ದವು. ಇದೇ ವೇಳೆ ನಾಯಿಗಳು ದಾಳಿ ನಡೆಸಿವೆ ಎಂದು ತೋಟದ ಮಾಲೀಕ ಇಸಾಕ್‌ ಜಮಾದಾರ ಮಾಹಿತಿ ನೀಡಿದ್ದಾರೆ. ಮೃತಪಟ್ಟ ಕುರಿಗಳ ಮರಣೋತ್ತರ ಪರೀಕ್ಷೆ ನಡೆಸಲಾಗಿದೆ ಎಂದು ಪಶು ವೈದ್ಯಾಧಿಕಾರಿ ಡಾ. ಪ್ರಶಾಂತ ಪಾಟೀಲ ತಿಳಿಸಿದ್ದಾರೆ.