ಇಬ್ಬರು ಮಕ್ಕಳಿಗೆ ವಿಷವುಣಿಸಿ ತಾಯಿ ಆತ್ಮಹತ್ಯೆ: ಬೆಳಗಾವಿಯಲ್ಲಿ ದಾರುಣ ಘಟನೆ

ಗೋಕಾಕ: ನಗರದಲ್ಲಿಸೋಮವಾರ ಸಂಜೆ ಮಹಿಳೆಯೊಬ್ಬರು ಇಬ್ಬರು ಮಕ್ಕಳಿಗೆ ವಿಷ ನೀಡಿ, ತಾನೂ ವಿಷ ಸೇವಿಸಿದ್ದು ಮೂವರೂ ಮೃತಪಟ್ಟಿದ್ದಾರೆ.

ಸುಣಗಾರ ಗಲ್ಲಿಯ ಲಕ್ಷ್ಮೀ ಯಮಕನಮರಡಿ (40), ಹರ್ಷಿಕಾ (8) ಹಾಗೂ ಸಮರ್ಥ (6) ಮೃತರು.

ಮನೆಯಲ್ಲಿಯಾರು ಇಲ್ಲದ ಸಂದರ್ಭದಲ್ಲಿಅವರು ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ. ಲಕ್ಷ್ಮೀ ಅವರ ಪತಿ ಹೋಟೆಲ್‌ ಒಂದರಲ್ಲಿಕೆಲಸ ಮಾಡುತ್ತಾರೆ.

ಆತ್ಮಹತ್ಯೆಯ ಕಾರಣದ ಇನ್ನೂ ತಿಳಿದು ಬಂದಿಲ್ಲ. ತನಿಖೆ ಮಾಡುತ್ತಿದ್ದೇವೆ ಎಂದು ಪ್ರಕರಣ ದಾಖಲಿಸಿಕೊಂಡ ಗೋಕಾಕ ನಗರ ಠಾಣೆ ಪೊಲೀಸರು ತಿಳಿಸಿದ್ದಾರೆ.