ಬೆಳಗಾವಿ: ಇಲ್ಲಿನ ಅಭಿಷೇಕ್‌ ನವಲೆ ಇನ್ನರ್‌ವೀಲ್‌ ಸ್ಕೇಟಿಂಗ್‌ನಲ್ಲಿ ಅತ್ಯಂತ ಕಡಿಮೆ ಸಮಯದಲ್ಲಿ 100 ಮೀ. ಅಂತರವನ್ನು ಕ್ರಮಿಸುವ ಮೂಲಕ ಎರಡು ವಿಶಿಷ್ಟ ಸಾಧನೆ ಮಾಡಿದ್ದಾರೆ.
ನಗರದ ಕೆಎಲ್‌ಇ ಆರ್‌ಎಲ್‌ಎಸ್‌ ಕಾಲೇಜಿನ ಸ್ಕೇಟಿಂಗ್‌ ರಿಂಕ್‌ನಲ್ಲಿ ಭಾನುವಾರ 100 ಮೀ. ಅಂತರವನ್ನು ಕೇವಲ 13.02 ಸೆಕೆಂಡ್‌ನಲ್ಲಿ ಕ್ರಮಿಸಿದ್ದಾರೆ. ಅಲ್ಲದೆ, ಅಗ್ನಿಶಾಮಕ ದಳ ಕಚೇರಿ ಸಮೀಪದ ಖಾನಾಪುರ ರಸ್ತೆಯಲ್ಲಿ 12.99 ಸೆಕೆಂಡ್‌ನಲ್ಲಿ 100 ಮೀ. ಕ್ರಮಿಸಿ ಅಗ್ರ ಸಾಧನೆ ಮಾಡಿದ್ದಾರೆ. ಸ್ಕೇಟಿಂಗ್‌ ರಿಂಕ್‌ನಲ್ಲಿ 22 ಸೆಕೆಂಡ್‌ನಲ್ಲಿ 100 ಮೀ. ಕ್ರಮಿಸಿದ್ದು ಈವರೆಗಿನ ವಿಶ್ವದಾಖಲೆಯಾಗಿದೆ. ಆದರೆ, ಅಭಿಷೇಕ್‌ 13 ಸೆಕೆಂಡ್‌ನಲ್ಲಿ ಆ ಸಾಧನೆ ಮಾಡುವ ಎರಡು ವಿಶ್ವ ದಾಖಲೆ ಮಾಡಿದ್ದಾರೆ ಎಂದು ಸ್ಕೇಟಿಂಗ್‌ ಕೋಚ್‌ ಸೂರ್ಯಕಾಂತ್‌ ಹಿಂಡಲಗೇಕರ್‌ ತಿಳಿಸಿದರು.