ಹಣ ವಂಚನೆ ಆರೋಪ; ಮಹಿಳೆಯರ ಪ್ರತಿಭಟನೆ

ಬೈಲಹೊಂಗಲ: ಹಣಕಾಸು ವ್ಯವಹಾರದಲ್ಲಿ ವಂಚನೆಯಾಗಿದೆ ಎಂದು ಆರೋಪಿಸಿದ ಬೆಳಗಾವಿ ತಾಲೂಕಿನ ಬಡಸ ಕೆ.ಎಚ್‌.ಗ್ರಾಮದ ಮಹಿಳೆಯರು ಬುಧವಾರ ಇಲ್ಲಿನ ಸಂಗೊಳ್ಳಿ ರಾಯಣ್ಣ ವೃತ್ತದಲ್ಲಿ ಪ್ರತಿಭಟನೆ ನಡೆಸಿದರು.

ರೈತ ಮುಖಂಡ ಮಡಿವಾಳಪ್ಪ ಹೊಸಮನಿ ಮಾತನಾಡಿ, ಬಡ ಮಹಿಳೆಯರು ಶ್ರಮಪಟ್ಟು ದುಡಿದ ಲಕ್ಷಾಂತರ ರೂಪಾಯಿ ಹಣವನ್ನು ಸ್ಥಳೀಯ ಕಂಪನಿಗೆ ಸಂದಾಯ ಮಾಡಿದ್ದಾರೆ. ಈಗ ಅವಧಿ ಮುಗಿದರೂ ಹಣ ವಾಪಸ್‌ ನೀಡುತ್ತಿಲ್ಲ. ಈ ಕುರಿತು ಸಂಬಂಧಿಸಿದ ಅಧಿಕಾರಿಗಳು ಹಣ ಮರಳಿ ಕೊಡಿಸಲು ಕ್ರಮ ಕೈಗೊಳ್ಳಬೇಕು ಎಂದು ಒತ್ತಾಯಿಸಿದರು.

ಈ ಸಂದರ್ಭದಲ್ಲಿ ರೋಹಿಣಿ ಸುಣಗಾರ, ಜೈರಾಬಿ ಯಕ್ಕುಂಡಿ, ನೀಲವ್ವ ಮದನಭಾವಿ, ಮಲ್ಲವ್ವ ಪಾಟೀಲ, ಶೈಲಾ ಸುಣಗಾರ, ಲಕ್ಷ್ಮೀ ಕುರುಬರ, ಕಾಶವ್ವಾ ಕುಡಚಿ, ಗಿರಿಜವ್ವಾ ನರಿ, ಜಯಶ್ರೀ ಕಲಾಲ ಸೇರಿದಂತೆ ಅನೇಕ ಮಹಿಳೆಯರು ಉಪಸ್ಥಿತರಿದ್ದರು.