ಹೆಚ್ಚುವರಿ ವೇತನ ಬಡ್ತಿ ಇನ್ನಷ್ಟು ಶಿಕ್ಷ ಕರಿಗೆ ವಿಸ್ತರಣೆ
ಬೆಳಗಾವಿ: ಕಳೆದ ವರ್ಷ ಹೊರಡಿಸಿದ್ದ ಶಿಕ್ಷಕರ ಹೆಚ್ಚುವರಿ ವೇತನ ಬಡ್ತಿ ಆದೇಶವನ್ನು ಇನ್ನಷ್ಟು ಶಿಕ್ಷಕರಿಗೆ ವಿಸ್ತರಿಸಿ ಪರಿಷ್ಕೃತ ಆದೇಶ ಹೊರಡಿಸಲಾಗಿದೆ. ಇದು 2016ರ ಜೂನ್‌ನಿಂದಲೇ ಪೂರ್ವಾನ್ವಯವಾಗಲಿದೆ.
2016ರ ಏಪ್ರಿಲ್‌ 15ರಂದು ಸರಕಾರ ಶಿಕ್ಷ ಕರ ಹೆಚ್ಚುವರಿ ವೇತನ ಬಡ್ತಿ ಆದೇಶ ಹೊರಡಿಸಿತ್ತು. ಇದರಲ್ಲಿ ಸರಕಾರಿ ಮತ್ತು ಅನುದಾನಿತ ಪ್ರೌಢ ಶಾಲಾ ಶಿಕ್ಷ ಕರು ಮತ್ತು ಮುಖ್ಯ ಶಿಕ್ಷ ಕರನ್ನು ಮಾತ್ರ ಪರಿಗಣಿಸಲಾಗಿತ್ತು. ಇದರ ವಿರುದ್ಧ ಎಲ್ಲೆಡೆ ಪ್ರತಿಭಟನೆಗಳು ನಡೆದಿದ್ದವು.
ಈ ಹಿನ್ನೆಲೆಯಲ್ಲಿ ಸರಕಾರ 2017ರ ಮೇ 2ರಂದು ಮತ್ತೊಂದು ಆದೇಶ ಹೊರಡಿಸಿ ಮತ್ತಷ್ಟು ಶಿಕ್ಷ ಕರನ್ನು ಹೆಚ್ಚುವರಿ ವೇತನ ಬಡ್ತಿಗೆ ಒಳಪಡಿಸಿತ್ತು. ಇದರಲ್ಲಿ ಸರಕಾರಿ ಮತ್ತು ಅನುದಾನಿತ ಪ್ರೌಢ ಸಾಲೆಗಳಲ್ಲಿ ಕೆಲಸ ನಿರ್ವಹಿಸುತ್ತಿರುವ ಚಿತ್ರಕಲಾ ಶಿಕ್ಷ ಕರು, ಸಂಗೀತ ಶಿಕ್ಷ ಕರು, ನೃತ್ಯ ಮತ್ತು ನಾಟಕ ಶಿಕ್ಷ ಕರನ್ನು ಸೇರಿಸಲಾಗಿತ್ತು. ಆದಾಗ್ಯೂ ಅನೇಕ ಸಮಾನಾಂತರ ವರ್ಗದ ಶಿಕ್ಷ ಕರು ವಂಚಿತರಾದ ಹಿನ್ನೆಲೆಯಲ್ಲಿ ಪ್ರತಿಭಟನೆಗಳು ಮುಂದುವರಿದಿದ್ದವು. ಇದೀಗ ಸೆ.14ರಂದು ಮತ್ತೊಂದು ಆದೇಶ ಹೊರಡಿಸಲಾಗಿದ್ದು, ಇದರಲ್ಲಿ ಇನ್ನಷ್ಟು ವರ್ಗದ ಶಿಕ್ಷ ಕರನ್ನು ಸೇರಿಸಲಾಗಿದೆ.
ಹೊಸ ಆದೇಶದ ಪ್ರಕಾರ, ಸರಕಾರಿ ಪ್ರೌಢ ಶಾಲೆ ಮುಖ್ಯ ಶಿಕ್ಷ ಕರು ಹಾಗೂ ಸಮಾನಾಂತರ ಹುದ್ದೆಗಳಾದ ಪ್ರೌಢ ಶಾಲಾ ವಿಭಾಗದ ಉಪಪ್ರಾಂಶುಪಾಲರು, ಸಹ ನಿರ್ದೇಶಕರ ಕಚೇರಿ ಮತ್ತು ಉಪನಿರ್ದೇಶಕರ ಕಚೇರಿಯ ವಿಷಯ ಪರಿವೀಕ್ಷ ಕರು, ಡಯಟ್‌ ಮತ್ತು ಟಿಟಿಐ ಉಪನ್ಯಾಸಕರು, ಬಿಆರ್‌ಸಿ ಕ್ಷೇತ್ರ ಸಂಪನ್ಮೂಲ ಸಮನ್ವಯಾಧಿಕಾರಿಗಳು, ಸಹಾಯಕ ಯೋಜನಾ ಸಮನ್ವಯಾಧಿಕಾರಿಗಳು (ಎಪಿಸಿಒ, ಎಸ್‌ಎಸ್‌ಎ, ಆರ್‌ಎಂಎಸ್‌), ಕಾರ್ಯಕ್ರಮಾಧಿಕಾರಿಗಳು (ಎಸ್‌ಎಸ್‌ಎ, ಕೆಎಸ್‌ಕ್ಯೂಎಒ), ಸಹಾಯಕ ನಿರ್ದೇಶಕರು (ಇ ಆಡಳಿತ ಘಟಕ, ಎಸ್‌ಎಸ್‌ಎ, ಕೆಎಸ್‌ಇಇಬಿ, ಅಕ್ಷ ರ ದಾಸೋಹ, ಸಹನಿರ್ದೇಶಕರ ಕಚೇರಿ-ಮಉಯೋ, ಪಠ್ಯ ಪುಸ್ತಕ ಸಂಘ, ಆರ್‌ಎಂಎಸ್‌ಎ, ಕೆಎಸ್‌ಕ್ಯೂಎಒ) ಸೇರ್ಪಡೆಯಾಗಿದ್ದಾರೆ.
ಪ್ರೌಢ ಶಾಲಾ ಸಹಶಿಕ್ಷ ಕರ ಸಮಾನಾಂತರ ಹುದ್ದೆಗಳಾದ, ಪದವೀಧರ ಮುಖ್ಯೋಪಾಧ್ಯಾಧ್ಯಾಯರು (ಸಮಾಹಿಪ್ರಾ ಶಾಲೆ), ಶಿಕ್ಷ ಣ ಸಂಯೋಜಕರು (ಇಸಿಒ ಪ್ರೌಢ), ತಾಂತ್ರಿಕ ಸಹಾಯಕರು (ಆಯುಕ್ತರ ಕಚೇರಿ, ಮೈನಾರಿಟಿ/ಪಠ್ಯ ಪುಸ್ತಕ ಸಂಘ, ಎಸ್‌ಎಸ್‌ಎ, ಆರ್‌ಎಂಎಸ್‌, ಡಿಎಸ್‌ಇಆರ್‌ಟಿ), ಕ್ಷೇತ್ರ ಸಂಪನ್ಮೂಲ ವ್ಯಕ್ತಿ (ಪ್ರೌಢ ಶಿಕ್ಷ ಣ-ಬಿಆರ್‌ಪಿ), ಯೋಜನಾ ಸಹಾಯಕರು (ಆಯುಕ್ತರ ಕಚೇರಿ), ವಯಸ್ಕರ ಶಿಕ್ಷ ಣ ಸಹಾಯಕರು, ಚಿತ್ರಕಲಾ ಶಿಕ್ಷ ಕರು (ಡಿಟಿಸಿ-ಪ್ರೌಢ ಶಾಲೆಗಳಿಗೆ ಮಾತ್ರ) ಸಹ ಸೇರಿದ್ದಾರೆ.
ವೃತ್ತಿ ಶಿಕ್ಷಕರ ಸಮಾನಾಂತರ ಹುದ್ದೆಯಾದ ಆಯುಕ್ತರ ಕಚೇರಿಯ ವೃತ್ತಿ ಶಿಕ್ಷ ಣ ಸಹಾಯಕರು ಹಾಗೂ ತರಬೇತಿ ಹೊಂದಿದ ಪದವೀಧರ ಶಿಕ್ಷ ಕರು (ಟಿಜಿಟಿ) ಸಹ ಹೊಸ ಆದೇಶದ ಪ್ರಕಾರ ಹೆಚ್ಚುವರಿ ವೇತನ ಬಡ್ತಿ ಪಡೆಯಲಿದ್ದಾರೆ.
Additional Pay hike for teachers extended