ಕೆಲಸ ಕೊಡಿಸುವುದಾಗಿ ಹಣ ಪಡೆದು ವಂಚಿಸಿದ ಆರೋಪ; ಖಾಸಗಿ ಕಂಪನಿ ವಿರುದ್ಧ ದೂರು ದಾಖಲು

ಬೆಳಗಾವಿ: ತಮಗೆ ಉದ್ಯೋಗ ಕೊಡಿಸುವುದಾಗಿ ನಂಬಿಸಿ ಸಾವಿರಾರು ರೂಪಾಯಿ ಪಡೆದು ವಂಚನೆ ಮಾಡಲಾಗಿದೆ ಎಂದು ಆರೋಪಿಸಿದ ಹಲವು ಯುವಕರು ನ್ಯಾಯಕ್ಕಾಗಿ ಪೊಲೀಸರ ಮೊರೆ ಹೋಗಿದ್ದಾರೆ. ಈ ಕುರಿತು ಸೈಬರ್‌ ಕ್ರೈಂ ಠಾಣೆಯಲ್ಲಿ ದೂರು ದಾಖಲಾಗಿದೆ.

ಖಾಸಗಿ ಕಂಪನಿ ಹಣ ಪಡೆದು ಮೋಸ ಮಾಡಿದೆ ಎಂದು ಆರೋಪಿಸಿ ಯುವಕರು ನಗರದ ಎಪಿಎಂಸಿ ಠಾಣೆ ಎದುರು ಜಮಾಯಿಸಿ ನ್ಯಾಯಕ್ಕಾಗಿ ಆಗ್ರಹಿಸಿದ್ದರು. ಬಳಿಕ ಡಿಸಿಪಿ ಅವರ ಬಳಿ ತೆರಳಿ ಅಳಲು ಹೇಳಿಕೊಂಡಿದ್ದರು. ಈ ಹಿನ್ನೆಲೆಯಲ್ಲಿಮೂರು ದಿನಗಳ ಹಿಂದೆ ನಗರದ ಸೈಬರ್‌ ಕ್ರೆತ್ರೖಂ ವಿಭಾಗದಲ್ಲಿಪ್ರಕರಣ ದಾಖಲಾಗಿದೆ.

''ನಗರದ ಬಾಕೈ್ಸಟ್‌ ರಸ್ತೆಯಲ್ಲಿರುವ ಖಾಸಗಿ ಕಂಪನಿಗೆ ಸುಮಾರು 30 ಯುವಕರು ತಲಾ 26 ಸಾವಿರ ರೂ. ಹಣ ಪಾವತಿಸಿದ್ದಾರೆ. ಕಂಪನಿ ಕೆಲ ಸಾಮಾನುಗಳನ್ನು ಕೊಟ್ಟು, ಇನ್ನೊಂದಿಷ್ಟು ಯುವಕರನ್ನು ನೋಂದಣಿ ಮಾಡಿಸುವಂತೆ ಹೇಳುತ್ತಿದೆ. ಹಣ ಪಡೆದು ಮೋಸ ಮಾಡಿದೆ'' ಎಂದು ಯುವಕರು ಆರೋಪಿಸಿದ್ದಾರೆ.

ಖಾಸಗಿ ಕಂಪನಿಯೊಂದು ಕೆಲಸ ಕೊಡಿಸುವುದಾಗಿ ಹೇಳಿ ಹಣ ಪಡೆದುಕೊಂಡು ಮೋಸ ಮಾಡಿದೆ ಎಂದು ಕೆಲ ಯುವಕರು ಮೂರು ದಿನಗಳ ಹಿಂದೆ ದೂರು ಹೇಳಿಕೊಂಡು ಬಂದಿದ್ದರು. ಈ ಸಂಬಂಧ ಸೈಬರ್‌ ಕ್ರೆತ್ರೖಂ ವಿಭಾಗದಲ್ಲಿಪ್ರಕರಣ ದಾಖಲಿಸಿಕೊಳ್ಳಲಾಗಿದೆ.
ವಿಕ್ರಮ್‌ ಆಮ್ಟೆ, ಡಿಸಿಪಿ