ಮಾವಿನ ಫಸಲು ಸಾಗಣೆಗೆ ಅನುಮತಿ ನೀಡಿ

ಕಕ್ಕೇರಿ: ಬೆಳೆದು ನಿಂತಿರುವ ಮಾವಿನ ಫಸಲು ಕೊಯ್ದು ಬೇರೆ ಜಿಲ್ಲೆಯ ಮಾರುಕಟ್ಟೆಗೆ ಸಾಗಿಸಲು ಪರವಾನಗಿ ನೀಡಬೇಕೆಂದು ಒತ್ತಾಯಿಸಿ ರೈತರು ಮತ್ತು ವ್ಯಾಪಾರಸ್ಥರು ಖಾನಾಪುರ ತಹಸೀಲ್ದಾರ ರೇಶ್ಮಾ ತಾಳಿಕೋಟಿ ಅವರ ಮೂಲಕ ಜಿಲ್ಲಾಧಿಕಾರಿಗೆ ಮನವಿ ಸಲ್ಲಿಸಿದರು.

ಈ ವೇಳೆ ಮಾತನಾಡಿದ ಮಾರುತಿ ಹರಿಜನ, ಖಾನಾಪುರ ತಾಲೂಕಿನ ಲಿಂಗನಮಠ, ಗುಂಡೋಳ್ಳಿ, ಕಕ್ಕೇರಿ ಮತ್ತು ಚುಂಚವಾಡ ಗ್ರಾಮಗಳ 100ಕ್ಕೂ ಅಧಿಕ ವ್ಯಾಪಾರಸ್ಥರು ಜಿಲ್ಲೆಯ ವ್ಯಾಪ್ತಿಯಲ್ಲಿರುವ ಮಾವಿನ ತೋಟಗಳ ಜತೆಗೆ ಪಕ್ಕದ ಧಾರವಾಡ ಜಿಲ್ಲೆಯ ಅಳ್ನಾವರ, ಕಲಘಟಗಿ ಮತ್ತು ಉತ್ತರ ಕನ್ನಡ ಜಿಲ್ಲೆಯ ಜಿಲ್ಲೆಯ ಹಳಿಯಾಳ ತಾಲೂಕಿನ ವ್ಯಾಪ್ತಿಯ ಮಾವಿನ ಫಸಲು ಖರೀದಿಸಲು ಮುಂಗಡ ಹಣ ನೀಡಿ ಗುತ್ತಿಗೆ ಪಡೆದ್ದಿದೇವೆ. ಈಗ ಮಾವಿನ ಕಾಯಿ ಕಟಾವಿಗೆ ಬಂದಿದೆ. ಹೀಗಾಗಿ ಮಾವಿನ ಕಾಯಿ ಕೊಯ್ಲುಮಾಡಲು ಮತ್ತು ಬೆಳಗಾವಿ ಮತ್ತು ಧಾರವಾಡ ಮಾರುಕಟ್ಟೆಗೆ ಸಾಗಿಸಲು ಪರವಾನಗಿ ನೀಡಬೇಕು ಎಂದು ಕೋರಿದರು.

ಈ ಸಂದರ್ಭದಲ್ಲಿವ್ಯಾಪಾರಸ್ಥರಾದ ಹನುಮಂತ ಹಟ್ಟಿಹೊಳಿ, ಅಬ್ದುಲ್‌ ಗಫಾರ ಕಟ್ಟಿಮನಿ, ಮೆಹಬೂಬಸಾಬ ಲಂಗೋಟಿ, ಶಾಹಿರ ಹಟ್ಟಿಹೊಳಿ, ಹನುಮಂತ ಮಾದರ ಇತರರು ಇದ್ದರು.