ಅಗಸಗಿಯಲ್ಲಿ ಆತಂಕ

ಅಗಸಗಿ: ಗ್ರಾಮಕ್ಕೆ ಮಹಾರಾಷ್ಟ್ರದಿಂದ ಬಂದು ಕ್ವಾರಂಟೈನ್‌ನಲ್ಲಿದ್ದ 9 ಜನರಲ್ಲಿ ಇಬ್ಬರಿಗೆ ಹಾಗೂ ಮಾಳೇನಟ್ಟಿ ಗ್ರಾಮದಲ್ಲಿ ಕ್ವಾರಂಟೈನ್‌ನಲ್ಲಿದ್ದ ಇಬ್ಬರಲ್ಲಿಓರ್ವನಿಗೆ ಕೊರೊನಾ ಸೋಂಕು ದೃಢಪಟ್ಟಿದೆ.

ಕ್ವಾರಂಟೈನ್‌ನಲ್ಲಿದ್ದವರ ಗಂಟಲು ದ್ರವದ ಮಾದರಿ ವರದಿ ಬರುವ 2 ದಿನಗಳ ಮುನ್ನ ಅಧಿಕಾರಿಗಳನ್ನು ಅವರನ್ನು ಬಿಡುಗಡೆ ಮಾಡಿ ಮನೆಗೆ ಕಳುಹಿಸಿದ್ದರು. ಆದರೆ, ನಂತರ ಬಂದ ವರದಿಯಲ್ಲಿಇಬ್ಬರಿಗೆ ಸೋಂಕು ದೃಢಪಟ್ಟಿದ್ದು, ಇದರಿಂದ ಗ್ರಾಮಸ್ಥರು ಆತಂಕ್ಕೊಳಗಾಗಿದ್ದಾರೆ.

ಅಧಿಕಾರಿಗಳ ಎಡವಟ್ಟು: ಮೂಲಗಳ ಪ್ರಕಾರ ಇಬ್ಬರಿಗೆ ಸೋಂಕು ತಗುಲಿರುವ ವಿಷಯ ಶನಿವಾರ ರಾತ್ರಿ 9 ಗಂಟೆಗೆ ಅಧಿಕಾರಿಗಳಿಗೆ ತಿಳಿದಿತ್ತು. ಆದರೆ, ಭಾನುವಾರ ಬೆಳಗ್ಗೆ 10 ಗಂಟೆವರೆಗೂ ವಿಷಯವನ್ನು ಸೋಂಕಿತರು ಮತ್ತು ಆತನ ಕುಟುಂಬಸ್ಥರಿಗೆ ತಿಳಿಸಿಲ್ಲ. ಸೋಂಕಿತರು ಊರೆಲ್ಲಾ ಸುತ್ತಾಡಿ ಹಲವರನ್ನು ಸಂಪರ್ಕಿಸಿದ್ದಾರೆ. ಮನೆಯ ಚಿಕ್ಕ ಮಕ್ಕಳೊಂದಿಗೆ ಕಾಲ ಕಳೆದಿದ್ದಾರೆ. ಇದರಿಂದ ಗ್ರಾಮಸ್ಥರು ಕಂಗಾಲಾಗಿದ್ದು, ಮನೆಯಿಂದ ಹೊರ ಬರಲು ಹಾಗೂ ಚಟುವಟಿಕೆಗಳನ್ನು ನಡೆಸಲು ಹಿಂದೇಟು ಹಾಕುತ್ತಿದ್ದಾರೆ.

ಮತ್ತೆ 19 ಜನ ಸಾಂಕೇತಿಕ ಕ್ವಾರಂಟೈನ್‌ಗೆ: ಗ್ರಾಮಕ್ಕೆ ತಹಸೀಲ್ದಾರ್‌ ಆರ್‌.ಕೆ. ಕುಲಕರ್ಣಿ, ಉಪತಹಸೀಲ್ದಾರ ರಾಕೇಶ ರಾಕೇಶ ಭುವಾ ಸೇರಿದಂತೆ ಇತರೆ ಅಧಿಕಾರಿಗಳು ಗ್ರಾಮಕ್ಕೆ ಭೇಟಿ ನೀಡಿ, ಕ್ವಾರಂಟೈನ್‌ನಿಂದ ಬಿಡುಗಡೆಯಾದವರು ಮತ್ತು ಸೋಂಕಿತ ವ್ಯಕ್ತಿಗಳ ಕುಟುಂಬದ ಸದಸ್ಯರನ್ನು ಸಾಂಕೇತಿಕ ಕ್ವಾಂರಂಟೈನ್‌ನಲ್ಲಿಇಟ್ಟರು.