ಮನೆಗಳ ಸರ್ವೇ ಮರುಪರಿಶೀಲನೆಗೆ ಮನವಿ

ಬೆಳಗಾವಿ: ಆಗಸ್ಟ್‌ ತಿಂಗಳಿನಲ್ಲಿಸುರಿದ ಭಾರಿ ಮಳೆಗೆ ಹಾನಿಗೀಡಾದ ಮನೆಗಳ ಸರ್ವೇ ಕಾರ್ಯ ಮತ್ತು ವರದಿಯನ್ನು ಮತ್ತೊಮ್ಮೆ ಪರಿಶೀಲಿಸಬೇಕೆಂದು ತಾಪಂ ಸದಸ್ಯ ಮಹಾಂತೇಶ ರಾಮಚಂದ್ರ ಅಲಾಬದಿ, ಬೆಳಗಾವಿ ತಹಸೀಲ್ದಾರರಿಗೆ ಮಂಗಳವಾರ ಮನವಿ ಸಲ್ಲಿಸಿದ್ದಾರೆ.

ತಾಲೂಕಿನ ಬಡಸ್‌ ಕೆ.ಎಚ್‌., ಬಡಾಲ ಅಂಕಲಗಿ, ಹುಲಿಕವಿ ಮತ್ತು ಗಜಪತಿ ಗ್ರಾಮಗಳಲ್ಲಿಬಹಳಷ್ಟು ಮನೆಗಳು ಬಿದ್ದು ಹೋಗಿವೆ. ಅಧಿಕಾರಿಗಳು ಇಲ್ಲಿನ ಹಾನಿಯ ಕುರಿತು ಸರ್ವೇ ಕೆಲಸ ಪೂರ್ಣಗೊಳಿಸಿ ಮೇಲಾಧಿಕಾರಿಗಳಿಗೆ ವರದಿ ಸಲ್ಲಿಸಿದ್ದಾರೆ. ಆದರೆ ಸರ್ವೇ ಕಾರ್ಯ ನಿಯಮಾನುಸಾರ ನಡೆದಿಲ್ಲವಾದ್ದರಿಂದ ಬಹುತೇಕ ಸಂತ್ರಸ್ತರಿಗೆ ಅನ್ಯಾಯವಾಗಿದೆ. ಇದನ್ನು ಸರಿಪಡಿಸಲು ಈಗ ಮಾಡಲಾಗಿರುವ ಸರ್ವೇ ಕಾರ್ಯದ ಮರುಪರಿಶೀಲನೆ ಮಾಡಬೇಕೆಂದು ಒತ್ತಾಯಿಸಿದ್ದಾರೆ.