ಎಟಿಎಂ ಗ್ರಾಹಕರಿಗೆ ಮೋಸ ಮಾಡುತ್ತಿದ್ದವನ ಬಂಧನ

ಬೆಳಗಾವಿ: ಎಟಿಎಂನಲ್ಲಿಹಣ ಪಡೆದುಕೊಳ್ಳಲು ಬಂದ ಗ್ರಾಹಕನಿಗೆ ಸಹಾಯ ಮಾಡುವಂತೆ ನಟಿಸಿ ಮೋಸ ಮಾಡುತ್ತಿದ್ದ ಪ್ರಕರಣಕ್ಕೆ ಸಂಬಂಧಿಸಿದಂತೆ ಅಂಕಲಿ ಪೊಲೀಸರು ಭಾನುವಾರ ಒಬ್ಬ ಆರೋಪಿಯನ್ನು ಬಂಧಿಸಿದ್ದಾರೆ. ಅಂಕಲಿಯ ಸಾಗರ ಕಮತೆ (22) ಬಂಧಿತ ಆರೋಪಿ. ಈತನಿಂದ ವಿವಿಧ ಬ್ಯಾಂಕ್‌ಗಳ 9 ಎಂಟಿಎಂ ಕಾರ್ಡ್‌ಗಳು, 4 ಸಾವಿರ ರೂ. ನಗದು, ಒಂದು ಕಾರು, ಒಂದು ಡೈರಿ ಸೇರಿ 54 ಸಾವಿರ ರೂ. ಮೌಲ್ಯದ ಸ್ವತ್ತನ್ನು ವಶಪಡಿಸಿಕೊಳ್ಳಲಾಗಿದೆ.

ಅರೋಪಿಯು ಎಟಿಎಂಗೆ ಹಣ ಪಡೆಯಲು ಬರುವ ಜನರಿಗೆ ಸಹಾಯ ಮಾಡುವ ರೀತಿ ನಂಬಿಸಿ ಅವರ ಎಟಿಎಂ ಕಾರ್ಡ್‌, ಪಿನ್‌ ನಂಬರ್‌ ಪಡೆಯುತ್ತಿದ್ದ. ನಂತರ ಏನೋ ಸಮಸ್ಯೆಯಾಗಿದೆ, ಹಣ ಬರುತ್ತಿಲ್ಲಎಂದು ಬೇರೊಂದು ಎಟಿಎಂ ಕಾರ್ಡ್‌ ಕೊಡುತ್ತಿದ್ದ. ಹೀಗೆ ಅಂಕಲಿ, ರಾಯಬಾಗ, ಚಿಕ್ಕೋಡಿಯಲ್ಲಿಸಾಕಷ್ಟು ಜನರಿಗೆ ಮೋಸ ಮಾಡಿ ಹಣ ಲಪಟಾಯಿಸಿದ್ದಾನೆ ಎಂದು ಪೊಲೀಸ್‌ ಪ್ರಕಟಣೆ ತಿಳಿಸಿದೆ.