ಬೈಕ್‌ ಕಳ್ಳತನ ಆರೋಪಿ ಬಂಧನ

ಇಚಲಕರಂಜಿ: ಬೈಕ್‌ ಕಳುವು ಆರೋಪಕ್ಕೆ ಸಂಬಂಧಿಸಿದಂತೆ ಇಲ್ಲಿನ ಶಿವನಾಕವಾಡಿಯ ಯುವಕನನ್ನು ಶಿವಾಜಿನಗರ ಪೊಲೀಸರು ಬಂಧಿಸಿದ್ದಾರೆ.

ರಾಹುಲ್‌ ರಾಜೇಂದ್ರ ಮಾಳಿ(23) ಬಂಧಿತ. ಈತನಿಂದ 55 ಸಾವಿರ ರೂ. ಮೌಲ್ಯದ ಎರಡು ಬೈಕ್‌ಗಳನ್ನು ವಶಪಡಿಸಿಕೊಳ್ಳಲಾಗಿದೆ. ಪಟ್ಟಣದಲ್ಲಿನಂಬರ್‌ ಪ್ಲೇಟ್‌ ಇಲ್ಲದೆ ಬೈಕ್‌ ಓಡಿಸುತ್ತಿದ್ದ ಈತನನ್ನು ಪಿಎಸ್‌ಐ ಈಶ್ವರ ಓಮಾಸೆ ನೇತೃತ್ವದ ತಂಡ ತಡೆದು ವಿಚಾರಣೆ ನಡೆಸಿದಾಗ ಬೈಕ್‌ ಕಳ್ಳತನ ನಡೆಸುತ್ತಿದ್ದುದಾಗಿ ಆರೋಪಿ ಒಪ್ಪಿಕೊಂಡಿದ್ದಾನೆ ಎಂದು ಪೊಲೀಸರು ತಿಳಿಸಿದ್ದಾರೆ.

ಕಾರ್ಯಾಚರಣೆ ನಡೆಸಿದ ತಂಡದಲ್ಲಿಠಾಣೆಯ ತನಿಖಾ ದಳದ ಪಿಎಸ್‌ಐ ನಸೀಮ್‌ ಖಾನ್‌ ಫರಾಸ್‌, ಉದಯ ಪಾಟೀಲ, ಪ್ರಶಾಂತ ಓತಾರಿ, ರಫಿಕ್‌ ಫಾತರವಾಟ, ವಿವೇಕ ಕರಾಡೆ, ಅರ್ಜುನ ಫಾತಲೆ, ತೌಫಿಕ್‌ ಬಾನದಾರ್‌ ಇದ್ದರು.