ಐನಾಪುರಕ್ಕೆ ರಾಷ್ಟ್ರ, ಅಂತಾರಾಷ್ಟ್ರೀಯ ಪ್ರೋ ಕಬಡ್ಡಿ ಆಟಗಾರರ ಆಗಮನ

ಐನಾಪುರ : ಪಟ್ಟಣದಲ್ಲಿ ಗುರುವಾರ ರಾಷ್ಟ್ರ, ಅಂತಾರಾಷ್ಟ್ರೀಯ ಮಟ್ಟದ ಪ್ರೋ ಕಬಡ್ಡಿ ಆಟಗಾರರ ಆಗಮನವಾಯಿತು.

ಸಿದ್ಧೇಶ್ವರ ಕಬಡ್ಡಿ ಸಂಘಟನೆ ವತಿಯಿಂದ ಬೆಳಗಾವಿ ಜಿಲ್ಲಾ ಕಬ್ಬಡ್ಡಿ ಅಸೋಸಿಯೆಶನ್‌ ಉಪಾಧ್ಯಕ್ಷ ಬಂಡು ಖವಟಕೋಪ್‌, ಕಬಡ್ಡಿ ಆಟಗಾರರ ಆಯ್ಕೆ ಸಮಿತಿ ಜಿಲ್ಲಾ ಸದಸ್ಯರಾದ ಸತೀಶ ಅಪರಾಜ, ಬೆಳಗಾವಿ ಕಬಡ್ಡಿ ಅಮೆಚ್ಯೂರ್‌ ಕಾರ್ಯದರ್ಶಿ ಮತ್ತು ರಾಜ್ಯ ಉಪಾಧ್ಯಕ್ಷ ಸಿ.ಎಸ್‌. ಬರಗಾಲೆ, ಎಲ್‌.ಕೆ. ತೋರಣಗಟ್ಟಿಯವರ ನೇತೃತ್ವಲ್ಲಿ ಪ್ರೋ ಕಬಡ್ಡಿ ಆಟಗಾರರನ್ನು ಅದ್ಧೂರಿಯಾಗಿ ಸನ್ಮಾನಿಸಲಾಯಿತು.

ಸ್ಥಳೀಯ ಮಹಾವೀರ(ಹಂಚಿಬಟ್ಟಿ) ಕಾರ್ಯಾಲಯದಲ್ಲಿ ಪಟ್ಟಣ ಪಂಚಾಯಿತಿ ಉಪಾಧ್ಯಕ್ಷ ರವೀಂದ್ರ ಗಾಣಿಗೇರ ಸನ್ಮಾನ ಕಾರ್ಯಕ್ರಮದ ಅಧ್ಯಕ್ಷತೆ ವಹಿಸಿದ್ದರು. ಪ್ರೋ ಕಬ್ಬಡ್ಡಿ ಆಟಗಾರರಾದ ತಮಿಳು ತಲೈವಾಸ್‌ನ ಸುಖೇಶ ಹೆಗ್ಡೆ,, ಯುಪಿ ಯೋಧಾದ ಪ್ರಶಾಂತ ರೈ, ಗುಜರಾತ ಫಾರ್ಚೂನ್‌ ಜೈಂಟ್ಸ್‌ನ ದರ್ಶನ ಜೆ., ಗುಜರಾತ ಫಾರ್ಚೂನ್‌ ಜೈಂಟ್ಸ್‌ನ ಪ್ರಭಂಜನ , ಬೆಂಗಳೂರು ಬುಲ್ಸ್‌ನ ಆನಂದ ನಾಯರ, ದಿಲ್ಲಿಯ ಚೇತನ ದಬಂಗ್‌, ಹರಾರ‍ಯಣಾ ಸ್ಟೀಲರ್ಸ್‌ನ ಅರುಣ ಕುಮಾರ, ಅನೂಪ್‌ ಯು ಬುಂಬಾ, ಸಂತೋಷ ಗೌಡ, ಸುನೀಲ ಬೆಂಗಳೂರು ಬುಲ್ಸ್‌ನ ಹನಮಂತಪ್ಪ ಅವರನ್ನು ಸನ್ಮಾನಿಸಲಾಯಿತು.

ಕ್ಷೀರೋದ್ಯಮಿ ಚಿದಾನಂದ ಡೂಗಣ್ಣವರ, ಉದಯ ನಿಡಗುಂದಿ, ರವೀಂದ್ರ ಗಾಣಿಗೇರ, ಕುಮಾರ ಅಪರಾಜ, ದಾದಾ ಪಾಟೀಲ, ರಾಜೇಂದ್ರ ಪೋತದಾರ, ಸಂತೋಷ ಪಾಟೀಲ, ನೇಮಿನಾಥ ಪಾಟೀಲ, ಅಶೋಕ ಭೋಸಗಿ, ರಾಹುಲ್‌ ಬನಿಜವಾಡ, ಬಸವರಾಜ ಮಡಿವಾಳರ, ಕ್ರೀಡಾ ಶಿಕ್ಷ ಕರಾದ ರವಿ ಗಾಣಿಗೇರ, ಬಸವರಾಜ ಹೂವಣ್ಣವರ, ರಾಯಪ್ಪಾ ಭಜಂತ್ರಿ, ಧನಪಾಲ ಶಿರಹಟ್ಟಿ, ಬಾಳಾಸಾಹೇಬ ಖವಟಕೋಪ, ಪ್ರದೀಪ ಲಿಂಬಿಕಾಯಿ ಆಟಗಾರರನ್ನು ಸನ್ಮಾನಿಸಿದರು.

ಪಟ್ಟಣದ ಪಿಕೆಪಿಎಸ್‌ ಸಂಸ್ಥೆಯಿಂದ ತೆರೆದ ರಥದಲ್ಲಿ ಆಟಗಾರರ ಅದ್ಧೂರಿ ಮೆರವಣಿಗೆ ಪ್ರಾರಂಭಗೊಂಡಿತು. ಮೆರವಣಿಗೆಯಲ್ಲಿ ಶಾಲೆಯ ವಿದ್ಯಾರ್ಥಿಗಳಿಂದ ಲೇಜಿಂ, ಝಾಂಜ್‌, ಬ್ಯಾಂಡ್‌ ಇತ್ಯಾದಿ ಆಕರ್ಶಿಸಿದವು. ಮೆರವಣಿಗೆ ಮಾರ್ಗದಲ್ಲಿ ಬರುವ ಎಲ್ಲ ಮನೆಗಳ ಎದುರಿಗೆ ಆಕರ್ಷಕವಾಗಿ ರಂಗೋಲಿ ಬಿಡಿಸಲಾಗಿತ್ತು.

ಟಿವಿಯಲ್ಲಿ ಕಾಣುತ್ತಿದ್ದ ಆಟಗಾರರು ಮನೆ ಬಾಗಲಿಗೆ ಬಂದಿದ್ದರಿಂದ ಕಂಡು ಬಾಲಕರು, ಮಹಿಳೆಯರು, ಯುವಕರು ಉತ್ಸಾಹ ಭರಿತರಾಗಿ ಪಟಾಕಿ ಸಿಡಿಸಿ, ಕೇಕೆ ಹಾಕುತ್ತಾ ಮೆರವಣಿಗೆಯಲ್ಲಿ ಪಾಲ್ಗೊಂಡು ಸಂತಸಪಟ್ಟರು.