ಜೂಜು ಅಡ್ಡೆ ಮೇಲೆ ದಾಳಿ: 15 ಜನರ ಬಂಧನ

ಬೆಳಗಾವಿ: ತಾಲೂಕಿನ ಬಸ್ತವಾಡ ಗ್ರಾಮದಲ್ಲಿ ಜೂಜಾಟ ಆಡುತ್ತಿದ್ದ ಗುಂಪಿನ ಮೇಲೆ ದಾಳಿ ನಡೆಸಿದ ನಗರ ಪೊಲೀಸರು 15 ಜನರನ್ನು ಬಂಧಿಸಿದ್ದಾರೆ.

ಬಸ್ತವಾಡ ಗ್ರಾಮದ ಹಸನ್‌ಸಾಬ್‌ ಮುಲ್ಲಾ, ತುಕಾರಾಮ ನಾಯಿಕ, ದೇವೇಂದ್ರ ಐನವರ, ಪಾರೀಶ ಕಾಶೆಟ್ಟಿ, ನಜೀರ್‌ ಸನದಿ, ಅಪ್ಪಣ್ಣ ಕೋಲಕಾರ, ಕಲ್ಲಪ್ಪ ತಳವಾರ, ಬೊಮ್ಮಪ್ಪ ಕಾರ್ಲೇಕರ್‌, ಅರ್ಜುನ ತಳವಾರ, ಗೌಸ್‌ ಇಸ್ಮಾಯಿಲ್‌ ಮುಲ್ಲಾ, ಬಾಬು ಆದಪ್ಪ ಪಾಟೀಲ, ಶಹಾಪುರದ ಶಿವಾಜಿ ನೇಮಾನಿ ಕುಡಚಕರ್‌, ಹಲಗಾದ ಫಿರಾಜಿ ಹಣಮಂತಾಚೆ, ಮುತ್ನಾಳದ ಸುರೇಶ ದೇವಪ್ಪ ಇಂಚಲ ಬಂಧಿತರು. ಬಂಧಿತರಿಂದ 15,050 ರೂ. ನಗದು, ಮೂರು ಮೊಬೈಲ್‌ ವಶಪಡಿಸಿಕೊಂಡಿದ್ದಾರೆ.

ಈ ಕುರಿತು ಹಿರೇಬಾಗೇವಾಡಿ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.