‘ಟೋಸ್ಟ್‌ ಮಾಸ್ಟರ್‌ ಕ್ಲಬ್‌’ಗೆ ಪ್ರಶಸ್ತಿ

ಬೆಳಗಾವಿ : ವಾಕ್‌ ಚತುರತೆ, ಆತ್ವವಿಶ್ವಾಸ, ನಾಯಕತ್ವ ಗುಣ ಬೆಳೆಸುವ ನಿಟ್ಟಿನಲ್ಲಿ ಬೆಳಗಾವಿ ಜಿಲ್ಲೆಯಲ್ಲಿ ಸ್ಥಾಪನೆಯಾಗಿರುವ ಜಿಲ್ಲಾ ಮಟ್ಟದ 'ಟೋಸ್ಟ್‌ ಮಾಸ್ಟರ್‌ ಕ್ಲಬ್‌' ಪ್ರತಿಷ್ಠಿತ ಪಿನಾಕಲ್‌ ಪ್ರಶಸ್ತಿ ಪಡೆದುಕೊಂಡಿದೆ.

ಆರು ತಿಂಗಳ ಹಿಂದೆಯಷ್ಟೆ ನಗರದ ಕೆಎಲ್‌ಎಸ್‌ ಸಂಸ್ಥೆಯ ಐಎಂಇಆರ್‌ ಕಾಲೇಜಿನಲ್ಲಿ ರಚನೆಯಾಗಿರುವ ಕ್ಲಬ್‌ ತನ್ನ ಸಕ್ರಿಯ ಚಟುವಟಿಕೆಗಳ ಕಾರಣದಿಂದ ಅಂತಾರಾಷ್ಟ್ರೀಯ ಟೋಸ್ಟ್‌ ಮಾಸ್ಟರ್‌ ಕ್ಲಬ್‌ನ ಪಿನಾಕಲ್‌ ಪ್ರಶಸ್ತಿಗೆ ಭಾಜನವಾಗಿದೆ.

ಅಂತಾರಾಷ್ಟ್ರೀಯ ಟೋಸ್ಟ್‌ ಮಾಸ್ಟರ್‌ ಕ್ಲಬ್‌ ಪರವಾಗಿ ಕ್ಲಬ್‌ ಅಧಿಕಾರಿ ಶಂಕರ ಭೂಪತಿ ಪ್ರಶಸ್ತಿ ನೀಡಿದರು. ಜಿಲ್ಲಾ ಕ್ಲಬ್‌ ಅಧ್ಯಕ್ಷ ಡಾ.ಕಮಲಾ ಅರ್ಚೆಕರ್‌, ಉಪಾಧ್ಯಕ್ಷರಾದ ಪ್ರಕಾಶ ಮುಗಳಿ, ರೇಖಾ ಮುಗಳಿ ಮತ್ತು ಸಂಧ್ಯಾ ಪ್ರಶಸ್ತಿ ಸ್ವೀಕರಿಸಿದರು.