ಆತಂಕ ಮೂಡಿಸುತ್ತಿರುವ ಬ್ಯಾಂಕ್‌ ಗ್ರಾಹಕರ ಸರದಿ ಸಾಲು

ಬಾವನಸೌಂದತ್ತಿ : ಕೊರೊನಾ ಸೋಂಕು ನಿಯಂತ್ರಿಸುವ ಹಿನ್ನೆಲೆಯಲ್ಲಿಬಡವರು ಮತ್ತು ಕೂಲಿ ಕಾರ್ಮಿಕರಿಗೆ ತೊಂದರೆ ಆಗದಿರಲು ಸರಕಾರ ಘೋಷಿಸಿರುವ ಸಹಾಯ ಧನ, ಜನ್‌ಧನ್‌ ಖಾತೆಯಲ್ಲಿನ ಹಣ, ಉಜ್ವಲ ಗ್ಯಾಸ್‌ ಸಬ್ಸಿಡಿ ಇತ್ಯಾದಿ ಪಡೆಯಲು ಇಲ್ಲಿನ ಕೆನರಾ (ಸಿಂಡಿಕೇಟ್‌) ಬ್ಯಾಂಕ್‌ಗೆ ಆಗಮಿಸಿರುವ ಗ್ರಾಹಕರು ಸಾಮಾಜಿಕ ಅಂತರ ಕಾಯ್ದುಕೊಳ್ಳದಿರುವುದು ಆತಂಕ ಮೂಡಿಸಿದೆ.

ಸಮೀಪದ ಕುಡಚಿ ಪಟ್ಟಣದಲ್ಲಿಕೊರೊನಾ ಪಾಸಿಟೀವ್‌ ಪ್ರಕರಣ ದಿನದಿಂದ ದಿನಕ್ಕೆ ಏರುತ್ತಿದ್ದರೂ ಜನರು ಎಚ್ಚೆತ್ತುಕೊಳ್ಳುತ್ತಿಲ್ಲ. ತಮ್ಮ ಸುರಕ್ಷತೆಗಾಗಿ ಮಾಸ್ಕ್‌ ಕೂಡ ಧರಿಸದೆ ಆಗಮಿಸುತ್ತಿದ್ದಾರೆ.

ತಾಲೂಕು ಆಡಳಿತ ಮತ್ತು ಪೊಲೀಸ್‌ ಇಲಾಖೆ ಇನ್ನಾದರೂ ಎಚ್ಚೆತ್ತುಕೊಂಡು ಗ್ರಾಮೀಣ ಭಾಗದಲ್ಲಿ ಕಟ್ಟುನಿಟ್ಟಿನ ಕ್ರಮ ಕೈಗೊಳ್ಳಬೇಕು ಎಂದು ಅನೇಕ ಆತಂಕಿತ ನಾಗರಿಕರು ಒತ್ತಾಯಿಸಿದ್ದಾರೆ.