ಬೆಳಗಾವಿ ಬಿಟ್‌ ಬ್ರೇಕರ್ಸ್‌ ಡಾನ್ಸ್‌ ತಂಡಕ್ಕೆ ದ್ವಿತೀಯ ಸ್ಥಾನ

ಬೈಲಹೊಂಗಲ : ಪಟ್ಟಣದ ನೃತ್ಯ ಕಲಾವಿದ ಕುಮಾರ ಬೋರಕನವರ ನೇತೃತ್ವದ ಬೆಳಗಾವಿ ಬಿಟ್‌ ಬ್ರೇಕರ್ಸ್‌ ಡಾನ್ಸ್‌ ತಂಡ, ಗೋವಾದಲ್ಲಿ ನಡೆದ ಸೌತ್‌ ಇಂಡಿಯನ್‌ ಚಾಂಪಿಯನ್‌ಶಿಪ್‌ -2019ರಲ್ಲಿ ಸ್ಪರ್ಧಿಸಿ ದ್ವಿತೀಯ ಸ್ಥಾನ ಪಡೆದು ಬೆಳ್ಳಿ ಪದಕ ತನ್ನದಾಗಿಸಿಕೊಂಡಿದೆ.

ಮಹಾರಾಷ್ಟ್ರ, ಕೇರಳ, ಗೋವಾ ಸೇರಿದಂತೆ ಅನೇಕ ರಾಜ್ಯಗಳ ನೃತ್ಯ ಕಲಾ ತಂಡಗಳು ಸ್ಪರ್ಧೆಯಲ್ಲಿ ಭಾಗವಹಿಸಿದ್ದವು. ಡಾನ್ಸ್‌ ಸ್ಪೋರ್ಟ್ಸ್ ಕೌನ್ಸಿಲ್‌ ಆಫ್‌ ಇಂಡಿಯಾ ಬ್ರ್ಯಾಂಡ್‌ ಅಂಬಾಸಿಡರ್‌ ರಾಷ್ಟ್ರಪತಿ ಪ್ರಶಸ್ತಿ ವಿಜೇತ, ಖ್ಯಾತ ನೃತ್ಯಪಟು ಕಮಲೇಶ್‌ ಪಟೇಲ್‌ ತಂಡಕ್ಕೆ ಪದಕ ನೀಡಿ ಗೌರವಿಸಿದರು. ತಂಡದಲ್ಲಿ ಒಟ್ಟು 16ಜನ ಕಲಾವಿದರು ಭಾಗವಹಿಸಿದ್ದರು.