36 ಮಂದಿಯಲ್ಲಿ ಕೊನೆಗೆ ಉಳಿದಿದ್ದು 17 ಮಾತ್ರ ! ರಮೇಶ್ ಬಾಯಿಂದ ಮತ್ತೆ ಆಪರೇಷನ್ ರಹಸ್ಯ

ಬೆಳಗಾವಿ: ನಾನು ಆರಂಭದಲ್ಲಿ 36 ಮಂದಿ ಶಾಸಕರಿದ್ದೆವು ಆದರೆ ಕೊನೆಗೆ ಉಳಿದಿದ್ದು 17 ಮಂದಿ ಶಾಸಕರು ಮಾತ್ರ ಎಂದು ಸಚಿವ ರಮೇಶ್ ಜಾರಕಿಹೊಳಿ ಮತ್ತೆ ಆಪರೇಷನಲ್ ಕಮಲದ ರಹಸ್ಯವನ್ನು ಬಿಚ್ಚಿಟ್ಟಿದ್ದಾರೆ.

ಆಪರೇಷನ್ ಕಮಲಕ್ಕೆ ಒಳಗಾಗಿ ಕಾಂಗ್ರೆಸ್ ಹಾಗೂ ಜೆಡಿಎಸ್‌ನ 17 ಮಂದಿ ಬಿಜೆಪಿಗೆ ಸೇರ್ಪಡೆಯಾಗಿದ್ದಾರೆ. ಆದರೆ ಕಾರ್ಯಾಚರಣೆ ಸಂದರ್ಭದಲ್ಲಿ 36 ಶಾಸಕರು ಜೊತೆಗಿದ್ದರು ಎಂಬ ಮಾಹಿತಿಯನ್ನು ಇದೀಗ ರಮೇಶ್ ಜಾರಕಿಹೊಳಿ ಬಹಿರಂಗಪಡಿಸಿದ್ದಾರೆ.

ಇದೇ ವೇಳೆ ಮಾಜಿ ಸಚಿವ ಡಿಕೆ ಶಿವಕುಮಾರ್‌ ಅವರಿಗೆ ಧನ್ಯವಾದ ಸಲ್ಲಿಸಿದ ರಮೇಶ್ ಜಾರಕಿಹೊಳಿ, ಡಿಕೆಶಿ ಅಂದು ವಿರೋಧ ಮಾಡಿದಕ್ಕಾಗಿ ನಾನು ಇಂದು ನಾಯಕನಾದೆ. ಒಂದು ವೇಳೆ ಅವರು ಅಪ್ಪಿಕೊಂಡಿದ್ದರೆ ಇದು ಸಾಧ್ಯವಾಗುತ್ತಿರಲಿಲ್ಲ ಎಂದು ವ್ಯಂಗ್ಯವಾಗಿ ಕುಟುಕಿದರು.

ಉಮೇಶ್‌ ಕತ್ತಿಗೆ ಕೈ ತಪ್ಪಿದ ಸಚಿವ ಸ್ಥಾನ , ಕಾರಣ ಬಿಚ್ಚಿಟ್ಟ ಬಿಎಸ್‌ವೈ

ಸಂಪುಟ ವಿಸ್ತರಣೆ ದಿನದಂದು ಖುಷಿಯಾಗಿರಲಿಲ್ಲ

ಸಂಪುಟ ವಿಸ್ತರಣೆಯಾದ ದಿನದಂದು ನಾನು ಖುಷಿಯಾಗಿ ಇರಲಿಲ್ಲ ಎಂದಿದ್ದಾರೆ ರಮೇಶ್ ಜಾರಕಿಹೊಳಿ. ಸಂಪುಟ ವಿಸ್ತರಣೆಯ ಒಂದು ದಿನ ಮೊದಲು ನನಗೆ ಸಚಿವ ಸ್ಥಾನ ಬೇಡ ಎಂದು ಗೋಕಾಕ್‌ ಕಡೆಗೆ ಹೊರಟಿದ್ದೆ.

ಆದರೆ ಅಂದು ರಾತ್ರಿ ಬಾಲಚಂದ್ರ ಜಾರಕಿಹೊಳಿ ಹಾಗೂ ಮಹೇಶ್ ಕುಮಟಳ್ಳಿ ಮನೆಗೆ ಬಂದು ಸಚಿವರಾಗಿ ಪ್ರಮಾಣವಚನ ಸ್ವೀಕಾರ ಮಾಡುವಂತೆ ಒತ್ತಾಯಿಸಿದರು. ಕುಮಟಳ್ಳಿ ಕಾಳಿಗೆ ಮನಸ್ಕರಿಸಿ ಒತ್ತಾಯಿಸಿದರು. ಆ ಕಾರಣಕ್ಕಾಗಿ ಪ್ರಮಾಣ ವಚನ ಸ್ವೀಕಾರ ಮಾಡಿದೆ.

ಹೀಗಿದ್ದರೂ ಪ್ರಮಾಣ ವಚನ ಮಾಡಿದ ದಿನದಂದು ಖುಷಿಯಾಗಿರಲಿಲ್ಲ. ನನ್ನ ಕಣ್ಣ ಮುಂದೆ ಮಹೇಶ್ ಕುಮಟಳ್ಳಿ, ಆರ್. ಶಂಕರ್, ಮುನಿರತ್ನಂ, ಪ್ರತಾಪ್‌ ಗೌಡ ಪಾಟೀಲ್ ಕಾಣುತ್ತಿದ್ದರು ಎಂದು ಪರೋಕ್ಷವಾಗಿ ಅಸಮಧಾನವನ್ನು ವ್ಯಕ್ತಪಡಿಸಿದರು.