ಪಿಂಚಣಿ ಯೋಜನೆ ರದ್ದತಿಗೆ ಆಗ್ರಹಿಸಿ ರಕ್ತದಾನ

ಚನ್ನಮ್ಮನ ಕಿತ್ತೂರು: ಸರಕಾರಿ ನೌಕರರಿಗೆ ಜಾರಿಗೊಳಿಸಿರುವ ನೂತನ ಪಿಂಚಣಿ ಯೋಜನೆ ರದ್ದುಗೊಳಿಸಿ ಹಳೆಯ ಪಿಂಚಣಿಯನ್ನೇ ಪುನಃ ಜಾರಿಗೊಳಿಸಬೇಕು ಎಂದು ಆಗ್ರಹಿಸಿ ಪಟ್ಟಣದ ಸರಕಾರಿ ಶಾಲಾ ಶಿಕ್ಷಕರು, ನೌಕರರು ರಕ್ತದಾನ ಮಾಡುವ ಮೂಲಕ ವಿನೂತನ ಪ್ರತಿಭಟನೆ ಮಾಡಿದರು.

ರಾಜ್ಯ ಸರಕಾರಿ ನೌಕರರ ಸಂಘ ಹಾಗೂ ರಾಜ್ಯ ಪ್ರಾಥಮಿಕ ಶಾಲಾ ಶಿಕ್ಷಕರ ಸಂಘಗಳ ಸಂಯುಕ್ತಾಶ್ರದಲ್ಲಿ ನಡೆದ ರಕ್ತದಾನ ಪ್ರತಿಭಟನೆಯಲ್ಲಿ ಪಾಲ್ಗೊಂಡಿದ್ದ ಸರಕಾರಿ ನೌಕರರು ಬುಧವಾರ ಸ್ಥಳೀಯ ಶಕುಂತಲಾ ಗಡಗಿ ಆಸ್ಪತ್ರೆಯಲ್ಲಿ ಸಾಲು ಸಾಲಾಗಿ ಮಲಗಿ ರಕ್ತದಾನ ಮಾಡಿ 'ರಕ್ತ ಕೊಟ್ಟೇವು, ಪಿಂಚಣಿ ಬಿಡೆವು' ಎಂದು ಆಗ್ರಹಿಸಿದರು.

ನೂತನ ಪಿಂಚಣಿ ಯೋಜನೆ ಅಧ್ಯಕ್ಷ ಎಂ.ಎಸ್‌. ಗುರವೈನವರ, ಶಿಕ್ಷ ಕರ ಸಂಘದ ಅಧ್ಯಕ್ಷ ಎಂ.ಎಫ್‌. ಜಕಾತಿ, ಸರಕಾರಿ ನೌಕರರ ಸಂಘದ ಅಧ್ಯಕ್ಷ ಎಂ.ಎಸ್‌. ಕಲ್ಮಠ, ಆರ್‌.ಎಸ್‌. ಹಂಚಿನಮನಿ, ಜಗದೀಶ ಬಾರಕೇರ, ಅಕ್ಷ ತಾ ಹಿರೇಮಠ, ಸಂಜೀವಕುಮಾರ ಕಲವಾರ, ಮಂಜುನಾಥ ಅಳ್ನಾವರ, ಮಹೇಶ ಚನ್ನಂಗಿ, ಚನ್ನಪ್ಪ ತುರಮರಿ, ಸಂತೋಷ ಪಟ್ಟೇದ, ಎಲ್‌ ಶಿವದೀಪ, ವಿ.ಎಸ್‌. ನೇಸರಗಿ, ಎಸ್‌.ಪಿ. ಹಂಬರ ಇನ್ನಿತರರು ರಕ್ತದಾನ ಮಾಡಿದರು. ಚಂದ್ರಗೌಡ ಪೊಲೀಸ್‌ ಪಾಟೀಲ ರಕ್ತದಾನ ಪ್ರತಿಭಟನೆಯ ಉಸ್ತುವಾರಿ ವಹಿಸಿಕೊಂಡಿದ್ದರು.