ನೇಣು ಬಿಗಿದುಕೊಂಡು ಬಾಲಕ ಆತ್ಮಹತ್ಯೆ

ಅಗಸಗಿ: ಬೆಳಗಾವಿ ತಾಲೂಕಿನ ಗುಗ್ರೆನಟ್ಟಿ ಗ್ರಾಮದ ಹೊಲದಲ್ಲಿ ಬಾಲಕನೊಬ್ಬ ಶನಿವಾರ ಬೆಳಗ್ಗೆ ನೇಣು ಬಿಗಿದುಕೊಂಡು ಆತ್ಮಹತ್ಯೆ ಮಾಡಿಕೊಂಡಿದ್ದಾನೆ.

ಅಭಿಷೇಕ ವಿರಾಶಿ(17) ಆತ್ಮಹತ್ಯೆ ಮಾಡಿಕೊಂಡ ಬಾಲಕ. ಉತ್ತರ ಕನ್ನಡ ಜಿಲ್ಲೆಯ ಹಳಿಯಾಳ ತಾಲೂಕು ಬಾನಸಗೇರಿ ಗ್ರಾಮದ ಅಭಿಷೇಕ ಕೆಲ ವರ್ಷಗಳ ಹಿಂದೆ ತಂದೆ-ತಾಯಿ ಕಳೆದುಕೊಂಡು ಗುಗ್ರೆನಟ್ಟಿ ಗ್ರಾಮದ ತನ್ನ ಸೋದರತ್ತೆ ಆಶ್ರಯದಲ್ಲಿದ್ದನು.

ಮೂರು ದಿನಗಳ ಹಿಂದೆ ಈತನ ಸ್ನೇಹಿತನೊಬ್ಬ ಹೊನಗಾದಲ್ಲಿ ನೇಣು ಬಿಗಿದುಕೊಂಡು ಆತ್ಮಹತ್ಯೆ ಮಾಡಿಕೊಂಡಿದ್ದನು. ಆ ಘಟನೆಯಿಂದ ನೊಂದು ಆತ್ಮಹತ್ಯೆ ಮಾಡಿಕೊಂಡಿರಬಹುದು ಎಂದು ಹೇಳಲಾಗುತ್ತಿದೆ. ಕಾಕತಿ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.