ಸರಿಯಾದ ಸಮಯಕ್ಕೆ ಶಾಲೆಗೆ ಬಾರದ ಮುಖ್ಯಶಿಕ್ಷಕರ ವಿರುದ್ಧ ಕ್ರಮಕ್ಕೆ ಆಗ್ರಹ

ಬೈಲಹೊಂಗಲ: ತಾಲೂಕಿನ ಲಕ್ಕುಂಡಿ ಗ್ರಾಮದ ಸರಕಾರಿ ಪ್ರೌಢಶಾಲೆಯಲ್ಲಿಮೂಲ ಸೌಕರ್ಯದ ಕೊರತೆಯಿದೆ. ಶಾಲೆಯ ಮುಖ್ಯಶಿಕ್ಷಕರು ಸರಿಯಾಗಿ ಶಾಲೆಗೆ ಹಾಜರಾಗುತ್ತಿಲ್ಲಎಂದು ಆರೋಪಿಸಿ ಗ್ರಾಮಸ್ಥರು ಗುರುವಾರ ಉಪವಿಭಾಗಾಧಿಕಾರಿಗೆ ಮನವಿ ಸಲ್ಲಿಸಿದರು.

ಲಕ್ಕುಂಡಿ ಗ್ರಾಮದ ಸರಕಾರಿ ಪ್ರೌಢಶಾಲೆ ಮುಖ್ಯಶಿಕ್ಷಕರು ಪ್ರತಿದಿನ ಬೆಳಗ್ಗೆ 11 ಗಂಟೆಗೆ ಶಾಲೆಗೆ ಬಂದು 1.30 ಕ್ಕೆ ಹೋಗುತ್ತಾರೆ. ಇದರಿಂದಾಗಿ ಶಾಲೆ ವ್ಯವಸ್ಥೆ ಹದಗೆಟ್ಟಿದೆ. ಶಾಲಾ ಮಕ್ಕಳ ಶೂ, ಸಮವಸ್ತ್ರ, ಪೇಪರ್‌, ಚಾಕ್‌ಪೀಸ್‌, ಕ್ರೀಡಾ ವಸ್ತುಗಳನ್ನು ಸರಿಯಾಗಿ ಪೂರೈಕೆ ಮಾಡಿಲ್ಲ. ಶಾಲಾ ಕಚೇರಿ, ಶೌಚಾಲಯ ಹದಗೆಟ್ಟಿದೆ. ಬಿಇಒ ಅವರಿಗೆ 2 ವರ್ಷಗಳಿಂದ ಈ ಕುರಿತು ದೂರು ನೀಡಿದರೂ ಕ್ರಮ ಕೈಗೊಂಡಿಲ್ಲ. ಇನ್ನಾದರೂ ಶಾಲೆ ಸುಧಾರಣೆಗೆ ಪ್ರಯತ್ನಿಸಿ, ಮುಖಖ್ಯಶಿಕ್ಷಕರ ಮೇಲೆ ಕ್ರಮ ಕೈಗೊಳ್ಳಬೇಕು ಎಂದು ಮನವಿಯಲ್ಲಿಒತ್ತಾಯಿಸಲಾಗಿದೆ.

ಈ ವೇಳೆ ಗುರುಶಾಂತಯ್ಯಾ ಗಾಳಿಮರಡಿ, ಅಂಕುಶ ಚಿಕ್ಕಮಠ, ಮಂಜುನಾಥ ಮಠದ, ಸಂಜಯಗೌಡ ಪಾಟೀಲ, ಈರಯ್ಯ ಚಿಕ್ಕಮಠ, ಈರಪ್ಪ ತೊಟಗಿ, ಉಳವಪ್ಪ ಸುಣಧೋಳಿ, ವೀರುಪಾಕ್ಷ ಹೂಗಾರ, ಮಂಜು ಸುಣದೋಳಿ, ಈರಣ್ಣ ಮಿಂಡೊಳ್ಳಿ, ಮಂಜು ಕಾಟಿ ಇತರರು ಇದ್ದರು.