ಕಂಟೋನ್ಮೆಂಟ್‌ ನಿವೃತ್ತ ಸಿಬ್ಬಂದಿಗೆ ಪರಿಷ್ಕೃತ ವೇತನ ನೀಡಲು ಆಗ್ರಹ

ಬೆಳಗಾವಿ: ಇಲ್ಲಿನ ಕಂಟೋನ್ಮೆಂಟ್‌ ಬೋರ್ಡ್‌ ಸೇವೆಯಿಂದ 2006ರಲ್ಲಿ ನಿವೃತ್ತಿಯಾದವರಿಗೆ ಕಾಲ ಕಾಲಕ್ಕೆ ರಿವೈಜ್ಡ್‌ ಪೆನ್‌ಶನ್‌ ಸಿಗುತ್ತಿಲ್ಲವೆಂದು ನಿವೃತ್ತ ನೌಕರರಾದ ಪಿ.ಎಲ್‌. ರಜಪೂತ ಮತ್ತು ಡಿ.ಕೆ. ಹಿರೇಮನಿ ತಿಳಿಸಿದ್ದಾರೆ.

ಈ ಕುರಿತು ಅವರು ಹೇಳಿಕೆ ನೀಡಿ, ದೇಶದಲ್ಲಿ 62 ಕಂಟೋನ್ಮೆಂಟ್‌ ಬೋರ್ಡ್‌ಗಳಿವೆ. ಆದರೆ ಬೆಳಗಾವಿ ಹೊರತುಪಡಿಸಿ ಉಳಿದೆಲ್ಲ ಕಡೆಯ ನಿವೃತ್ತ ಸಿಬ್ಬಂದಿಗಳಿಗೆ ರಿವೈಜ್ಡ್‌ ಪೆನ್‌ಶನ್‌ ಸಿಗುತ್ತಿದೆ. ನಮ್ಮ ಪರಿಸ್ಥಿತಿಯನ್ನು ಇಲ್ಲಿನ ಸಿಇಒ, ಪುಣೆ ಸದರ್ನ್‌ ಕಮಾಂಡ್‌ನ ನಿರ್ದೇಶಕರು, ದಿಲ್ಲಿಯ ಡಿಫೆನ್ಸ್‌ ಇಸ್ಟಿಟ್‌ನ ಡೈರೆಕ್ಟರ್‌ ಜನರಲ್‌ ಸೇರಿದಂತೆ ಮೇಲಿನ ಹಂತದ ಹಿರಿಯ ಅಧಿಕಾರಿಗಳಿಗೆ ತಿಳಿಸಲಾಗಿದೆ. ಅದರಿಂದ ಯಾವುದೇ ಪ್ರಯೋಜನವಾಗಿಲ್ಲ . ಆಡಳಿತ ಮಂಡಳಿ ಇದನ್ನು ಪರಿಶೀಲಿಸಬೇಕು. ಇಲ್ಲದಿದ್ದಲ್ಲಿ ಕಂಟೋನ್ಮೆಂಟ್‌ ಮಂಡಳಿ ಕಚೇರಿ ಎದುರು ಧರಣಿ ಸತ್ಯಾಗ್ರಹ ನಡೆಸುವುದಾಗಿ ಎಚ್ಚರಿಕೆ ನೀಡಿದ್ದಾರೆ.