ವಿಎಸ್‌ಎಂ ಬಿಬಿಎ, ಬಿಸಿಎ ಕಾಲೇಜಿಗೆ ಚಾಂಪಿಯನ್‌ಶಿಪ್‌

ನಿಪ್ಪಾಣಿ : ಸ್ಥಳೀಯ ವಿಎಸ್‌ಎಂ ಪದವಿ ಕಾಲೇಜಿನಲ್ಲಿ ಜರುಗಿದ ಅಂತರ್‌-ಕಾಲೇಜು ಮಟ್ಟದ 6-ಎ ಸೈಡ್‌ ಫುಟ್‌ಬಾಲ್‌ ಟೂರ್ನಾಮೆಂಟ್‌ನಲ್ಲಿ ವಿಎಸ್‌ಎಂ ಬಿಬಿಎ ಮತ್ತು ಬಿಸಿಎ ಮಹಾವಿದ್ಯಾಲಯವು ಚಾಂಪಿಯನ್‌ಶಿಪ್‌ ಪಡೆಯಿತು.

ಇಲ್ಲಿನ ವಿಎಸ್‌ಎಂ ಮೈದಾನದಲ್ಲಿ ಬುಧವಾರ ಜರುಗಿದ ಟೂರ್ನಿಯ ಫೈನಲ್‌ ಪಂದ್ಯದಲ್ಲಿ ವಿಎಸ್‌ಎಂ ತಂಡ ಕೆಎಲ್‌ಇ ಸಂಸ್ಥೆಯ ಸ್ಥಳೀಯ ಬಿಬಿಎ ಮತ್ತು ಬಿಸಿಎ ತಂಡವನ್ನು 6-0 ಗೋಲುಗಳಿಂದ ಸೋಲಿಸಿತು. ಮೊದಲ ಅವಧಿಯಲ್ಲಿ 4-0 ಗೋಲುಗಳಿಂದ ಮುನ್ನಡೆಯಲ್ಲಿದ್ದ ವಿಎಸ್‌ಎಂ ಕಾಲೇಜು ನಂತರದ ಅವಧಿಯಲ್ಲಿ ಮತ್ತೆ 2 ಗೋಲುಗಳನ್ನು ಮಾಡಿತು. ಸೆಮಿಫೈನಲ್‌ ಪಂದ್ಯದಲ್ಲಿ ವಿಎಸ್‌ಎಂ ತಂಡವು ದೇವಚಂದ್‌ ಮಹಾವಿದ್ಯಾಲಯಕ್ಕೆ 2-0 ಗೋಲುಗಳ ಅಂತರದಿಂದ ಸೋಲುಣಿಸಿ ಫೈನಲ್‌ ಪಂದ್ಯಕ್ಕೆ ಲಗ್ಗೆಯಿಟ್ಟಿತ್ತು. ಸ್ಥಳೀಯ ದೇವಚಂದ್‌ ಪದವಿ ಮಹಾವಿದ್ಯಾಲಯ ಮೂರನೇಯ ಸ್ಥಾನ ಪಡೆಯಿತು. ಕೆಎಲ್‌ಇ ಸಂಸ್ಥೆಯ ಬಿಬಿಎ ಮತ್ತು ಬಿಸಿಎ ಮಹಾವಿದ್ಯಾಲಯದ ಅಕ್ಷ ಯ ಸಂಕೇಶ್ವರ್‌ ಬೆಸ್ಟ್‌ ಗೋಲ್‌ ಕೀಪರ್‌ ಪ್ರಶಸ್ತಿ ಪಡೆದರು.

ಬಹುಮಾನ ವಿತರಣಾ ಸಮಾರಂಭದಲ್ಲಿ ಯುನಿವರ್ಸಿಟಿ ಬ್ಲೂ ಆಗಿ ಹೊರಹೊಮ್ಮಿ ನೆಟ್‌ಬಾಲ್‌ ಪಂದ್ಯಾವಳಿಯಲ್ಲಿ ರಾಣಿ ಚನ್ನಮ್ಮ ವಿಶ್ವವಿದ್ಯಾಲಯವನ್ನು ಪ್ರತಿನಿಧಿಸಿದ ವಿಎಸ್‌ಎಂ ಪದವಿ ಮಹಾವಿದ್ಯಾಲಯದ ವಿದ್ಯಾರ್ಥಿಗಳಾದ ಓಂಕಾರ ಭಾಟಲೆ, ಶುಭಂ ಲಾಡ್‌, ರಾಕೇಶ ಕಮತೆ ಮತ್ತು ಫುಟ್‌ಬಾಲ್‌ ಪಂದ್ಯದಲ್ಲಿ ಪ್ರತಿನಿಧಿಸಿದ ಶೀತಲ್‌ ನೊರ್ಜೆ ಅವರನ್ನು ಸನ್ಮಾನಿಸಲಾಯಿತು. ನಿರ್ಣಾಯಕರಾಗಿ ಕಾರ್ಯನಿರ್ವಹಿಸಿದ ಸಚಿನ್‌ ಫುಟಾಣಕರ, ಓಂಕಾರ ಶಿಂಧೆ, ಪ್ರಶಾಂತ ಆಜರೆಕರ, ಕರಣ ಮಾನೆಯವರನ್ನು ವಿಎಸ್‌ಎಂ ಸಂಸ್ಥೆಯಿಂದ ಸತ್ಕರಿಸಲಾಯಿತು.

ಸಂಸ್ಥೆಯ ಚೇರ್ಮನ್‌ ಚಂದ್ರಕಾಂತ ಕೋಠಿವಾಲೆ, ವೈಸ್‌-ಚೇರ್ಮನ್‌ ಪಪ್ಪು ಪಾಟೀಲ, ಸಂಚಾಲಕ ಸಂಜಯ ಮೊಳವಾಡೆ, ವಿನಾಯಕ ಪಾಟೀಲ, ಅಂಗ ಸಂಸ್ಥೆಗಳ ಮುಖ್ಯಸ್ಥರಾದ ಕೆ.ಎಸ್‌. ಪಾಟೀಲ, ಪಿ.ಜೆ. ನರಕೆ, ರಾಕೇಶಕುಮಾರ ತಾವದಾರೆ, ಚಿದಂಬರ ಜೋಶಿ, ಎ.ಎಂ. ಬಾಗವಾನ, ನವಾಜಖಾನ ಸೌದಾಗರ, ಬಾಹುಬಲಿ ಮಗದುಮ, ರಾಜು ಪಾಟೀಲ, ಜ್ಞಾನದೇವ ನಾಯಿಕ, ದೈಹಿಕ ಶಿಕ್ಷ ಕ ಎಸ್‌.ಆರ್‌. ಗಾವಡೆ, ಮೊದಲಾದವರು ಸಹಿತ ಸಿಬ್ಬಂದಿ ವಿದ್ಯಾರ್ಥಿಗಳು ಉಪಸ್ಥಿತರಿದ್ದರು. ಪ್ರಾಚಾರ್ಯ ಡಾ. ಸಿದ್ಧಗೌಡ ಪಾಟೀಲ ಸ್ವಾಗತಿಸಿ ವಂದಿಸಿದರು.