ಇಮ್ರಾನ್‌ ಕುಟುಂಬದವರಿಗೆ ಪರಿಹಾರ ಚೆಕ್‌ ವಿತರಣೆ

ಹುಕ್ಕೇರಿ: ಪ್ರಾಕೃತಿಕ ವಿಕೋಪಕ್ಕೆ ಬಲಿಯಾಗಿರುವ ಇಮ್ರಾನ್‌ ನದಾಫ್‌ ಕುಟುಂಬಕ್ಕೆ ಸರಕಾರದಿಂದ ದೊರೆಯುವ ಎಲ್ಲ ರೀತಿಯಲ್ಲಿ ಸಹಾಯ ಸಹಕಾರ ನೀಡಲಾಗುವುದು ಎಂದು ಶಾಸಕ ಉಮೇಶ ಕತ್ತಿ ಹೇಳಿದರು.

ಅವರು ತಾಲೂಕಿನ ತಾಲೂಕಿನ ಕೊಟಬಾಗಿ ಗ್ರಾಮದಲ್ಲಿ ಮಳೆ ನೀರಲ್ಲಿ ಕೊಚ್ಚಿ ಹೋಗಿ ಮೃತಪಟ್ಟ ಇಮ್ರಾನ್‌ ನದಾಫ್‌ ತಾಯಿ ಬೀಬಿ ಆಯೇಶಾ ಅವರಿಗೆ ಪ್ರವಾಹ ಪೀಡಿತರ ಪರಿಹಾರದಲ್ಲಿ 4 ಲಕ್ಷ ಹಾಗೂ ಮುಖ್ಯಮಂತ್ರಿಗಳ ಪರಿಹಾರ ನಿಧಿಧಿಯಡಿ 1 ಲಕ್ಷ ಸೇರಿ ಒಟ್ಟು 5 ಲಕ್ಷ ರೂ. ಗಳ ಪರಿಹಾರ ಧನದ ಚೆಕ್‌ವಿತರಿಸಿ ಮಾತನಾಡಿದರು.

ತಲೆ ತಲಾಂತರಗಳಿಂದ ಟೇಲರಿಂಗ್‌ ಉದ್ಯೋಗ ಮಾಡುತ್ತಿರುವ ಈ ಕುಟುಂಬಕ್ಕೆ ಇಮ್ರಾನ್‌ ಸಾವಿನಿಂದ ಬರಸಿಡಿಲು ಬಡಿದಂತಾಗಿದೆ. ಯಾವುದೇ ಕಾರಣಕ್ಕೆ ಕುಟುಂಬ ಧೈರ್ಯಗೆಡಬಾರದು ಎಂದು ಕತ್ತಿ ಸಾಂತ್ವನ ಹೇಳಿದರು.

ತಹಸೀಲ್ದಾರ್‌ ಅಶೋಕ ಗುರಾಣಿ, ವಿದ್ಯುತ್‌ ಸಹಕಾರಿ ಸಂಘದ ಅಧ್ಯಕ್ಷ ಬಸವರಾಜ ಮರಡಿ, ಬಿಜೆಪಿ ಘಟಕಾಧ್ಯಕ್ಷ ಪರಗೌಡ ಪಾಟೀಲ, ಕಂದಾಯ ನಿರೀಕ್ಷ ಕ ಎಂ.ಎಸ್‌.ಸುಲದಾಳ ಗ್ರಾಮಸ್ಥರು ಉಪಸ್ಥಿತರಿದ್ದರು.