ಬೈಲಹೊಂಗಲ ಶಾಸಕ ಮಹಾಂತೇಶ್‌ ಕೌಜಲಗಿ ಸೇರಿದಂತೆ 23 ಜನರಲ್ಲಿ ಪಾಸಿಟಿವ್‌

ಬೈಲಹೊಂಗಲ (ಬೆಳಗಾವಿ): ಸ್ಥಳೀಯ ಶಾಸಕ ಮಹಾಂತೇಶ್‌ ಕೌಜಲಗಿ ಸೇರಿದಂತೆ ತಾಲೂಕಿನಲ್ಲಿಒಟ್ಟು 23 ಜನರಲ್ಲಿಶನಿವಾರ ಕೊರೊನಾ ವೈರಸ್‌ ದೃಢಪಟ್ಟಿದೆ.

ಡಿಕೆಶಿ ಪದಗ್ರಹಣ ಕಾರ್ಯಕ್ರಮದಲ್ಲಿಪಾಲ್ಗೊಂಡು ಜು.2ರಂದು ಬೆಂಗಳೂರಿನಿಂದ ವಾಪಸ್ಸಾಗಿದ್ದ ಶಾಸಕರು ಎಂಟು ದಿನಗಳ ಹಿಂದೆ ಕೋವಿಡ್‌ ತಪಾಸಣೆಗೆ ಒಳಗಾಗಿದ್ದರು. ಉಸಿರಾಟದ ತೊಂದರೆ, ಗಂಟಲು ನೋವು ಕಾಣಿಸಿಕೊಂಡ ಹಿನ್ನೆಲೆಯಲ್ಲಿಅವರ ಗಂಟಲು ದ್ರವ ತಪಾಸಣೆಗೆ ಕಳಿಸಲಾಗಿತ್ತು. ಅದೀಗ ಪಾಸಿಟಿವ್‌ ಬಂದಿದೆ. ಶುಕ್ರವಾರ ಹೋಮ್‌ ಕ್ವಾರೆಂಟೈನ್‌ನಲ್ಲಿದ್ದ ಶಾಸಕರು ಮುನ್ನೆಚ್ಚರಿಕೆ ಕ್ರಮವಾಗಿ ಶನಿವಾರ ಬೆಳಗಾವಿ ಕೆಎಲ್‌ಇ ಆಸ್ಪತ್ರೆಗೆ ದಾಖಲಾಗಿದ್ದಾರೆ.

ಶಾಸಕರು ಮೂರು ದಿನಗಳ ಹಿಂದೆ ತಾಪಂ ಕಚೇರಿಯಲ್ಲಿನಡೆದ ಕೋವಿಡ್‌ ಪ್ರಗತಿ ಪರಿಶೀಲನೆ ಸಭೆ ಹಾಗೂ ಗುರುವಾರ ಕೆಡಿಪಿ ಸಭೆಯ ನೇತೃತ್ವ ವಹಿಸಿದ್ದರು. ಈ ಸಭೆಗಳಲ್ಲಿಪಾಲ್ಗೊಂಡಿದ್ದ ಚನ್ನಮ್ಮನ ಕಿತ್ತೂರು ಶಾಸಕ ಮಹಾಂತೇಶ್‌ ದೊಡಗೌಡರ ಸೇರಿದಂತೆ ತಾಲೂಕಾ ಮಟ್ಟದ ನಾನಾ ಇಲಾಖೆಗಳ ಅಧಿಕಾರಿಗಳು ಹಾಗೂ ಸಂಪರ್ಕಿತರಿಗೆ ಈಗ ಕ್ವಾರಂಟೈನ್‌ ಆಗುವಂತೆ ಸೂಚಿಸಲಾಗಿದೆ.

23 ಹೊಸ ಕೇಸ್‌: ಬೈಲಹೊಂಗಲ ಪಟ್ಟಣದಲ್ಲಿಶನಿವಾರ 7, ಮಲ್ಲಾಪುರದಲ್ಲಿ5, ಮೊಹರೆ, ದೇವಲಹಳ್ಳಿಯಲ್ಲಿತಲಾ 2, ಗಜಮನಾಳ, ಉಡಿಕೇರಿ, ಮೂಗಬಸವ, ಸಂಗೊಳ್ಳಿ, ಸಂಪಗಾಂವ, ಹೊಸ ಕಾದರವಳ್ಳಿ ಗ್ರಾಮಗಳಲ್ಲಿತಲಾ 1 ಸೇರಿ ಒಟ್ಟು 23 ಹೊಸ ಪ್ರಕರಣಗಳು ಬೆಳಕಿಗೆ ಬಂದಿವೆ.

ಶಾಸಕ ಮಹಾಂತೇಶ್‌ ಕೌಜಲಗಿ ಅವರಿಗೆ ಕೋವಿಡ್‌ ಪಾಸಿಟಿವ್‌ ಬಂದಿದೆ. ಅವರ ಸಂಪರ್ಕದಲ್ಲಿಬಂದಿರುವ ಎಲ್ಲಅಧಿಕಾರಿಗಳಿಗೆ, ಕುಟುಂಬದ ಸದಸ್ಯರಿಗೆ ಹೋಂ ಕ್ವಾರಂಟೈನ್‌ನಲ್ಲಿರಲು ಸೂಚಿಸಲಾಗಿದೆ. ಯಾರೂ ಭಯಪಡುವ ಅಗತ್ಯವಿಲ್ಲ.
- ಡಾ. ಎಸ್‌.ಎಸ್‌. ಸಿದ್ಧಣ್ಣವರ, ತಾಲೂಕಾ ಮುಖ್ಯ ವೈದ್ಯಾಧಿಕಾರಿ, ಬೈಲಹೊಂಗಲ