ಮಹೇಶ್ ವಿಜಾಪುರ
ಬೆಳಗಾವಿ: ಒಂದೆಡೆ ಬೆಡ್, ಆಕ್ಸಿಜನ್ ಸಿಗದೆ ಕೋವಿಡ್ ಸೋಂಕಿತರು ಪರದಾಡುತ್ತಿದ್ದರೆ ಮತ್ತೊಂಡೆ ಮನೆ ಆರೈಕೆಯಲ್ಲಿರುವ ಸೋಂಕಿತರೂ ನಿಗದಿತ ದರಕ್ಕೆ ಔಷಧ ಸಿಗದೆ ಹೈರಾಣಾಗುತ್ತಿದ್ದಾರೆ. ಇನ್ನು ರೋಗಿಗಳು ಮತ್ತು ಶವ ಸಾಗಣೆ ವಾಹನಗಳಿಗೆ ಇನ್ನಿಲ್ಲದ ಬೇಡಿಕೆ ಬಂದಿದ್ದು ಮೂರ್ನಾಲ್ಕು ಪಟ್ಟು ಹೆಚ್ಚಿಗೆ ಬಾಡಿಗೆ ವಸೂಲು ಮಾಡಲಾಗುತ್ತಿದೆ. ಕೊರೊನಾ ಸೋಂಕು ಕಾಣಿಸಿಕೊಳ್ಳುತ್ತಿದ್ದಂತೆಯೇ ಮನೆ ಆರೈಕೆಯಲ್ಲಿರುವವರಿಗೆ ಔಷಧಗಳು ದುಬಾರಿಯಾಗುತ್ತಿವೆ. ವಿಶೇಷವಾಗಿ ಮಾತ್ರೆಗಳ ಎಂಆರ್ಪಿ ದರ ನೋಡಿ ಖರೀದಿಸುವವರ ಸಂಖ್ಯೆ ತೀರಾ ಕಡಿಮೆ. ಇದನ್ನೇ ಅವಕಾಶವನ್ನಾಗಿ ಬಳಸಿಕೊಳ್ಳುತ್ತಿರುವ ಔಷಧ ಅಂಗಡಿಗಳು ಕೆಲ ಔಷಧಗಳನ್ನು ಎಂಆರ್ಪಿಗಿಂತ ಹೆಚ್ಚಿನ ಬೆಲೆಗೆ ಮಾರಾಟ ಮಾಡಲಾಗುತ್ತಿದೆ.
ತಕರಾರು ಮಾಡಿದರೆ ಔಷಧ ಕೊರತೆ ಎಂದು ಸಬೂಬು ನೀಡಲಾಗುತ್ತಿದೆ. ಅನಿವಾರ್ಯವಾಗಿ ಹೇಳಿದ ದರಕ್ಕೆ ಔಷಧ ಖರೀದಿಸುವಂತಾಗಿದೆ ಎನ್ನುವ ದೂರುಗಳು ಕೇಳಿ ಬರುತ್ತಿವೆ. ಕೋವಿಡ್ ಸೋಂಕಿತರಿಗೆ ನೀಡಲಾಗುತ್ತಿರುವ ಔಷಧಗಳಲ್ಲಿ ಒಂದಾಗಿರುವ ಐವರ್ಮ್ಯಾಕ್ಟಿನ್ 10 ಮಾತ್ರೆ ದರ 217 ರೂ. ಆಸುಪಾಸಿನಲ್ಲಿದೆ. ಆದರೆ, ಬಹಳಷ್ಟು ಔಷಧ ಅಂಗಡಿಗಳಲ್ಲಿ 300 ರಿಂದ 400 ರೂ. ವರೆಗೂ ಮಾರಾಟ ಮಾಡಲಾಗುತ್ತಿದೆ.
ಅದೇ ರೀತಿ 1,250 ರೂ. ಬೆಲೆಯ ಫ್ಲ್ಯೂವೀರ್ ಮಾತ್ರೆಗಳನ್ನೂ 1,500 ರಿಂದ 1,800 ರೂ. ವರೆಗೆ ಮಾರಾಟ ಮಾಡಲಾಗುತ್ತಿದೆ. ಉಸಿರಾಟದ ಏರಿಳಿತ ಗುರುತಿಸಿ ಮುನ್ನೆಚ್ಚರಿಕೆ ವಹಿಸಲು ಅನುಕೂಲವಾಗುವ ಆಕ್ಸಿಮೀಟರ್ ಮತ್ತು ಆಕ್ಸಿಜನ್ ಸಿಲಿಂಡರ್ನಿಂದ ರೋಗಿಗೆ ಆಕ್ಸಿಜನ್ ಪೂರೈಸಲು ಬಳಸುವ ಆಕ್ಸಿಜನ್ ಫ್ಲೋ ಮೀಟರ್ಗಳ ದರವನ್ನೂ ಹೆಚ್ಚಿಸಲಾಗಿದೆ.
ಕೋವಿಡ್ಗಿಂತ ಮುಂಚೆ 600 ರಿಂದ 700 ರೂ.ಗೆ ಸಿಗುತ್ತಿದ್ದ ಆಕ್ಸಿಮೀಟರ್ಗೆ ಈಗ 1,500 ರಿಂದ 2,000 ರೂ. ಎಂಆರ್ಪಿ ಇದ್ದರೂ ಔಟ್ ಆಫ್ ಸ್ಟಾಕ್ ಹೆಸರಿನಲ್ಲಿ 2,500 ರೂ.ಗೂ ಅಧಿಕ ಬೆಲೆಗೆ ಮಾರಾಟ ಮಾಡಲಾಗುತ್ತಿದೆ. 2,500 ರೂ. ಇದ್ದ ಆಕ್ಸಿಜನ್ ಫ್ಲೋ ಮೀಟರ್ಗೆ 3,500 ರೂ.ಗೂ ಅಧಿಕ ಹಣ ಪಡೆಯಲಾಗುತ್ತಿದೆ.
ನಿಯಮ ಉಲ್ಲಂಘನೆ: ಎಚ್ಆರ್ಸಿಟಿ ಸ್ಕ್ಯಾನಿಂಗ್ಗೆ ಸರಕಾರ ದರ ನಿಗದಿ ಮಾಡಿದ್ದರೂ ಬಹಳಷ್ಟು ಸ್ಕ್ಯಾನಿಂಗ್ ಕೇಂದ್ರಗಳು ನಿಯಮ ಪಾಲಿಸುತ್ತಿಲ್ಲ. ಬಿಪಿಎಲ್ ಕಾರ್ಡ್ದಾರರಿಗೆ 1,500 ರೂ. ಮತ್ತು ಇನ್ನುಳಿದವರಿಗೆ 2,500 ರೂ. ಮೀರಿ ಶುಲ್ಕ ಪಡೆಯುವಂತಿಲ್ಲ ಎನ್ನುವ ಆದೇಶವಿದ್ದರೂ ಬಹಳಷ್ಟು ಸ್ಕ್ಯಾನಿಂಗ್ ಕೇಂದ್ರಗಳಲ್ಲಿ 3,500 ರೂ.ಗೂ ಅಧಿಕ ಶುಲ್ಕ ಸಂಗ್ರಹಿಸಲಾಗುತ್ತಿದೆ.
ಬೆಳಗಾವಿ: ಒಂದೆಡೆ ಬೆಡ್, ಆಕ್ಸಿಜನ್ ಸಿಗದೆ ಕೋವಿಡ್ ಸೋಂಕಿತರು ಪರದಾಡುತ್ತಿದ್ದರೆ ಮತ್ತೊಂಡೆ ಮನೆ ಆರೈಕೆಯಲ್ಲಿರುವ ಸೋಂಕಿತರೂ ನಿಗದಿತ ದರಕ್ಕೆ ಔಷಧ ಸಿಗದೆ ಹೈರಾಣಾಗುತ್ತಿದ್ದಾರೆ. ಇನ್ನು ರೋಗಿಗಳು ಮತ್ತು ಶವ ಸಾಗಣೆ ವಾಹನಗಳಿಗೆ ಇನ್ನಿಲ್ಲದ ಬೇಡಿಕೆ ಬಂದಿದ್ದು ಮೂರ್ನಾಲ್ಕು ಪಟ್ಟು ಹೆಚ್ಚಿಗೆ ಬಾಡಿಗೆ ವಸೂಲು ಮಾಡಲಾಗುತ್ತಿದೆ.
ತಕರಾರು ಮಾಡಿದರೆ ಔಷಧ ಕೊರತೆ ಎಂದು ಸಬೂಬು ನೀಡಲಾಗುತ್ತಿದೆ. ಅನಿವಾರ್ಯವಾಗಿ ಹೇಳಿದ ದರಕ್ಕೆ ಔಷಧ ಖರೀದಿಸುವಂತಾಗಿದೆ ಎನ್ನುವ ದೂರುಗಳು ಕೇಳಿ ಬರುತ್ತಿವೆ. ಕೋವಿಡ್ ಸೋಂಕಿತರಿಗೆ ನೀಡಲಾಗುತ್ತಿರುವ ಔಷಧಗಳಲ್ಲಿ ಒಂದಾಗಿರುವ ಐವರ್ಮ್ಯಾಕ್ಟಿನ್ 10 ಮಾತ್ರೆ ದರ 217 ರೂ. ಆಸುಪಾಸಿನಲ್ಲಿದೆ. ಆದರೆ, ಬಹಳಷ್ಟು ಔಷಧ ಅಂಗಡಿಗಳಲ್ಲಿ 300 ರಿಂದ 400 ರೂ. ವರೆಗೂ ಮಾರಾಟ ಮಾಡಲಾಗುತ್ತಿದೆ.
ಅದೇ ರೀತಿ 1,250 ರೂ. ಬೆಲೆಯ ಫ್ಲ್ಯೂವೀರ್ ಮಾತ್ರೆಗಳನ್ನೂ 1,500 ರಿಂದ 1,800 ರೂ. ವರೆಗೆ ಮಾರಾಟ ಮಾಡಲಾಗುತ್ತಿದೆ. ಉಸಿರಾಟದ ಏರಿಳಿತ ಗುರುತಿಸಿ ಮುನ್ನೆಚ್ಚರಿಕೆ ವಹಿಸಲು ಅನುಕೂಲವಾಗುವ ಆಕ್ಸಿಮೀಟರ್ ಮತ್ತು ಆಕ್ಸಿಜನ್ ಸಿಲಿಂಡರ್ನಿಂದ ರೋಗಿಗೆ ಆಕ್ಸಿಜನ್ ಪೂರೈಸಲು ಬಳಸುವ ಆಕ್ಸಿಜನ್ ಫ್ಲೋ ಮೀಟರ್ಗಳ ದರವನ್ನೂ ಹೆಚ್ಚಿಸಲಾಗಿದೆ.
ಕೋವಿಡ್ಗಿಂತ ಮುಂಚೆ 600 ರಿಂದ 700 ರೂ.ಗೆ ಸಿಗುತ್ತಿದ್ದ ಆಕ್ಸಿಮೀಟರ್ಗೆ ಈಗ 1,500 ರಿಂದ 2,000 ರೂ. ಎಂಆರ್ಪಿ ಇದ್ದರೂ ಔಟ್ ಆಫ್ ಸ್ಟಾಕ್ ಹೆಸರಿನಲ್ಲಿ 2,500 ರೂ.ಗೂ ಅಧಿಕ ಬೆಲೆಗೆ ಮಾರಾಟ ಮಾಡಲಾಗುತ್ತಿದೆ. 2,500 ರೂ. ಇದ್ದ ಆಕ್ಸಿಜನ್ ಫ್ಲೋ ಮೀಟರ್ಗೆ 3,500 ರೂ.ಗೂ ಅಧಿಕ ಹಣ ಪಡೆಯಲಾಗುತ್ತಿದೆ.
ನಿಯಮ ಉಲ್ಲಂಘನೆ: ಎಚ್ಆರ್ಸಿಟಿ ಸ್ಕ್ಯಾನಿಂಗ್ಗೆ ಸರಕಾರ ದರ ನಿಗದಿ ಮಾಡಿದ್ದರೂ ಬಹಳಷ್ಟು ಸ್ಕ್ಯಾನಿಂಗ್ ಕೇಂದ್ರಗಳು ನಿಯಮ ಪಾಲಿಸುತ್ತಿಲ್ಲ. ಬಿಪಿಎಲ್ ಕಾರ್ಡ್ದಾರರಿಗೆ 1,500 ರೂ. ಮತ್ತು ಇನ್ನುಳಿದವರಿಗೆ 2,500 ರೂ. ಮೀರಿ ಶುಲ್ಕ ಪಡೆಯುವಂತಿಲ್ಲ ಎನ್ನುವ ಆದೇಶವಿದ್ದರೂ ಬಹಳಷ್ಟು ಸ್ಕ್ಯಾನಿಂಗ್ ಕೇಂದ್ರಗಳಲ್ಲಿ 3,500 ರೂ.ಗೂ ಅಧಿಕ ಶುಲ್ಕ ಸಂಗ್ರಹಿಸಲಾಗುತ್ತಿದೆ.