ಬೆಳೆ ಸಮೀಕ್ಷೆಗೆ ಬಾರದ ಅಧಿಕಾರಿಗಳು: ತೀರದ ಸಂತ್ರಸ್ತರ ಗೋಳು

ಬೈಲಹೊಂಗಲ: ಇತ್ತಿಚೇಗೆ ಸುರಿದ ಧಾರಾಕಾರ ಮಳೆಗೆ ನಾಲ್ಕು ಎಕರೆ ಜಮೀನಿನಲ್ಲಿಬೆಳೆದ ಗೋಂಜಾಳ ಬೆಳೆ ಸಂಪೂರ್ಣ ನಾಶವಾಗಿ ಅಂದಾಜು 2 ಲಕ್ಷ ರೂ. ಹಾನಿಯಾಗಿದೆ. ಆದರೂ ಸಂಬಂಧಪಟ್ಟ ಯಾವ ಅಧಿಕಾರಿಗಳು ಈವರೆಗೂ ಬೆಳೆ ಹಾನಿ ವೀಕ್ಷಣೆಗೆ ಬಂದು ಮಾಹಿತಿ ಪಡೆದಿಲ್ಲಎಂದು ತಾಲೂಕಿನ ಆನಿಗೋಳ ಗ್ರಾಮದ ರೈತ ಮಹಿಳೆ ನಾಗವ್ವ ಬಸಲಿಂಗಪ್ಪ ಬೈರಣ್ಣವರ ಅಳಲು ತೋಡಿಕೊಂಡಿದ್ದಾರೆ.

ಕಷ್ಟ ಪಟ್ಟು ಬೆಳೆದ ಬೆಳೆ 'ಕೈಗೆ ಬಂದ ತುತ್ತು ಬಾಯಿಗೆ ಬರಲಿಲ್ಲ' ಎಂಬಂತಾಗಿದೆ. ಶೀಘ್ರ ಸಂಬಂಧಪಟ್ಟ ಅಧಿಕಾರಿಗಳು ಭೇಟಿ ನೀಡಿ ಪರಿಹಾರ ವಿತರಿಸಬೇಕೆಂದು ಒತ್ತಾಯಿಸಿದ್ದಾರೆ.