ಸೈಕಲ್‌ ಸ್ಪರ್ಧೆ: ಕುನ್ನೂರ ಗ್ರಾಮದ ಸವಾರರಿಗೆ ಜಯ

ಐನಾಪುರ : ಐನಾಪುರದ ಶ್ರೀ ಸಿದ್ಧೇಶ್ವರ ದೇವರ 49ನೇ ಜಾತ್ರೆ ನಿಮಿತ್ತ ಆಯೋಜಿಸಿದ್ದ ಪುರುಷರ ಸೈಕಲ್‌ ಸ್ಪರ್ಧೆಯಲ್ಲಿ ಜಮಖಂಡಿ ತಾಲೂಕಿನ ಕುನ್ನೂರ ಗ್ರಾಮದ 3 ಸೈಕಲ್‌ ಸವಾರರು ಗೆದ್ದಿದ್ದಾರೆ.

ಬುಧವಾರ ಬೆಳಗ್ಗೆ ಜರುಗಿದ ಸೈಕಲ್‌ ಸ್ಪರ್ಧೆಯಲ್ಲಿ ಜಮಖಂಡಿ ತಾಲೂಕಿನ ಕುನ್ನೂರ ಗ್ರಾಮದ ಶ್ರೀಧರ ಪ್ರಥಮ, ಬಾಗಲಕೋಟ ಜಿಲ್ಲೆಯ ಬೀಳಗಿ ತಾಲೂಕಿನ ಸಂತೋಷ ಹಳ್ಳಿ ದ್ವಿತೀಯ, ಜಮಖಂಡಿ ತಾಲೂಕಿನ ಕುನ್ನೂರ ಗ್ರಾಮದ ಬಸು ಬಾಗಲಕೋಟ ತೃತೀಯ ಮತ್ತು ಸಂದೇಶ ಉಪ್ಪಾರ ಚತುರ್ಥ ಸ್ಥಾನ ಪಡೆದಿದ್ದಾರೆ.

ಸ್ಪರ್ಧಾವಿಜೇತರಿಗೆ ಅನುಕ್ರಮವಾಗಿ 7001, 5001, 3001, 1001 ರೂ. ನಗದು ಮತ್ತು ಪ್ರಶಸ್ತಿ ಪತ್ರ ನೀಡಿ ಗೌರವಿಸಲಾಯಿತು. ಉಗಾರ ಖುರ್ದ ಕಿರಾಣಿ ವ್ಯಾಪಾರಿ ಅಣ್ಣಾಸಾಬ ಸಾಂಗಲೆ, ನಿಂಗಪ್ಪಾ ಚೌಗಲಾ, ಮಲ್ಲಪ್ಪಾ ಪಾಟೀಲ, ರಾಜು ಅಡಿಶೇರಿ, ಸುಹಾನ್‌ ಕಮತೆ ಬಹುಮಾನ ವಿತರಿಸಿದರು.

ಪಟ್ಟಣ ಪಂಚಾಯಿತಿ ಉಪಾಧ್ಯಕ್ಷ ರವೀಂದ್ರ ಗಾಣಿಗೇರ, ಜಾತ್ರಾ ಕಮಿಟಿ ಅಧ್ಯಕ್ಷ ಸುಭಾಷ ಪಾಟೀಲ, ಗುಂಡೆವಾಡಿ ಗ್ರಾಮದ ಮುಖಂಡ ರಾವಸಾಹೇಬ ಪಾಟೀಲ, ಪಾಯಪ್ಪಾ ಕುಡವಕ್ಕಲಗಿ, ಗ್ರಾಮದ ಗೌಡರು, ಜಾತ್ರಾ ಕಮಿಟಿ ಪ್ರಮುಖರು ಇದ್ದರು.