‘ಬರ ಪೀಡಿತ’ ಪ್ರದೇಶ ಘೋಷಣೆಗೆ ಆಗ್ರಹ

ಅಥಣಿ: ತಾಲೂಕಿನ ಉತ್ತರ ಭಾಗದ ಬಹುತೇಕ ಗ್ರಾಮಗಳು ಮಳೆ ಬಾರದೆ, ಬೆಳೆ ಬೆಳೆಯಲಾಗದೆ ಜನರು ಗುಳೆ ಹೋಗುವ ಪರಿಸ್ಥಿತಿ ನಿರ್ಮಾಣವಾಗಿದ್ದು ಕೂಡಲೇ ಸರಕಾರಕ್ಕೆ ಈ ಭಾಗವನ್ನು 'ಬರಪೀಡಿತ' ಎಂದು ಬರಗಾಲ ಪ್ರದೇಶವೆಂದು ಘೋಷಿಸಲು ಒತ್ತಾಯಿಸುವುದಾಗಿ ಕಾಗವಾಡ ಶಾಸಕ ಶ್ರೀಮಂತ ಪಾಟೀಲ ತಿಳಿಸಿದರು.

ಅವರು ಸುದ್ದಿಗಾರರೊಂದಿಗೆ ಮಾತನಾಡಿ, ಮಹಾರಾಷ್ಟ್ರ ರಾಜ್ಯಕ್ಕೆ ಹೊಂದಿಕೊಂಡಿರುವ ಗ್ರಾಮಗಳು ಸತತವಾಗಿ ಬರಗಾಲಕ್ಕೆ ಈಡಾಗುತ್ತಿವೆ. ಆದರೂ ಹಿಂದಿನ ಕಾಂಗ್ರೆಸ್‌ ಸರಕಾರವಿದ್ದಾಗ ಬಸವೇಶ್ವರ ಏತ ನೀರಾವರಿ ಕಾರ್ಯಗತಗೊಳಿಸುವ ನಿಟ್ಟಿನಲ್ಲಿ ಸತತ ಪ್ರಯತ್ನ ಮುಂದುವರೆದಿದ್ದು ಇನ್ನೂ ಹೆಚ್ಚಿನ ಅನುದಾನ ಒದಗಿಸಲು ಮುಖ್ಯಮಂತ್ರಿಗಳಲ್ಲಿ ವಿನಂತಿಸಿರುವದಾಗಿ ತಿಳಿಸಿದರು.

ಬರಗಾಲಕ್ಕೆ ತುತ್ತಾಗಿರುವ ಪ್ರದೇಶಗಳಲ್ಲಿ ಆದ್ಯತೆ ಮೇರೆಗೆ ಅಭಿವೃದ್ಧಿ ಕಾಮಗಾರಿ ಕೈಗೊಳ್ಳಬೇಕು ಎಂದ ಅವರು, ಗಡಿ ಭಾಗದ ಶಾಲೆಗಳಲ್ಲಿ ಸಂಬಂಧ ಪಟ್ಟ ವಿಷಯ ಶಿಕ್ಷ ಕರನ್ನು ನಿಯುಕ್ತಿಗೊಳಿಸಲು ಸಂಬಂಧಿಸಿದ ಅಧಿಕಾರಿಗೆ ಸೂಚಿಸಿದರು.

ಅಪ್ಪಾಸಾಬ ಅವತಾಡೆ, ಅಸ್ಲಮ್‌ ನಾಲಬಂದ, ವಿಶ್ವಸ ಪವಾರ, ಮುರೆಗೆಪ್ಪಾ ಮಗದುಮ್‌, ತುಕಾರಾಮ ಶೆಳಕೆ, ಈಶ್ವರ ಕುಂಬಾರೆ, ದಾದಾ ಪಾಟೀಲ್‌, ಆರ್‌.ಎಂ.ಪಾಟೀಲ ಸೇರಿದಂತೆ ಅನೇಕರಿದ್ದರು.