ಮೊಬೈಲ್‌ ಗೇಮ್‌ ನಿಷೇಧಿಸಲು ಆಗ್ರಹ

ಬೆಳಗಾವಿ: ಪಬ್‌ಜೀ ಶೂಟಿಂಗ್‌ ಗೇಮ್‌ ಸೇರಿದಂತೆ ಇತರೆ ಮೊಬೈಲ್‌ ಗೇಮ್‌ಗಳನ್ನು ನಿಷೇಧಿಸುವಂತೆ ಒತ್ತಾಯಿಸಿ ಬುಧವಾರ ಬೆಳಗಾವಿಯ ಸಿದ್ದೇಶ್ವರಿ ಮಹಿಳಾ ಮಂಡಳ ಸದಸ್ಯರು ನಗರದ ಜಿಲ್ಲಾಧಿಕಾರಿ ಕಚೇರಿ ಆವರಣದಲ್ಲಿಪ್ರತಿಭಟನೆ ನಡೆಸಿ, ಮನವಿ ಸಲ್ಲಿಸಿದರು.

ಬೆಳಗಾವಿ ತಾಲೂಕಿನ ಕಾಕತಿಯಲ್ಲಿಈಚೆಗೆ ಪಬ್‌ಜೀ ಗೇಮ್‌ ಆಡದಂತೆ ಬುದ್ಧಿ ಹೇಳಿದಕ್ಕೆ ಯುವಕನೊಬ್ಬ ತನ್ನ ತಂದೆಯನ್ನೇ ಕೊಚ್ಚಿ ಕೊಲೆ ಮಾಡಿದ್ದಾನೆ. ಈ ರೀತಿಯ ಘಟನೆ ರಾಜ್ಯದೆಲ್ಲೆಡೆ ನಡೆಯುತ್ತಿವೆ. ಇಂತಹ ಮೊಬೈಲ್‌ ಗೇಮ್‌ಗಳಿಂದ ಮಕ್ಕಳಲ್ಲಿಸಂಸ್ಕೃತಿ ಮರೆಯಾಗುತ್ತಿದ್ದು, ಮಾನಸಿಕ, ದೈಹಿಕವಾಗಿ ದುರ್ಬಲರಾಗುತ್ತಿದ್ದಾರೆ. ಶಾಲಾ-ಕಾಲೇಜು ವಿದ್ಯಾರ್ಥಿಗಳು ಶಿಕ್ಷಣದ ಕಡೆಗೆ ಹೆಚ್ಚಿನ ಗಮನ ಹರಿಸದೆ ಗೇಮ್‌ ಆಡುತ್ತಿದ್ದಾರೆ. ಇದರಿಂದ ಮಕ್ಕಳ ಮೇಲೆ ಕೆಟ್ಟ ಪರಿಣಾಮ ಬೀರುತ್ತಿದ್ದು, ಕೂಡಲೇ ಮೊಬೈಲ್‌ ಗೇಮ್‌ಗಳನ್ನು ನಿಷೇಧಿಸಬೇಕು ಎಂದು ಒತ್ತಾಯಿಸಿದರು.

ಮಂಡಳದ ಅಧ್ಯಕ್ಷೆ ಇಂದುಮತಿ ಪಾಟೀಲ, ಮೇಘಾ ಶಿಂಧೆ, ಪ್ರವೀಣ ಪಾಟೀಲ, ರಮೇಶ ಡಿ., ಅನಿತಾ ಕಾಸರರ್ಕ, ಐ.ಬಿ. ಪಾಟೀಲ, ಅಶ್ವಿನಿ ಪಾಟೀಲ, ಪೂರ್ಣಿಮಾ ಎಚ್‌. ಮತ್ತಿತರರು ಉಪಸ್ಥಿತರಿದ್ದರು.