ಜಿಲ್ಲಾಧಿಕಾರಿ ಆವರಣದಲ್ಲಿ ಗ್ರಾಹಕರ ಆಯೋಗದ ಕಚೇರಿ ಆರಂಭಕ್ಕೆ ಒತ್ತಾಯ

ಬೆಳಗಾವಿ: ರಾಜ್ಯ ಸರಕಾರ ಮಂಜೂರು ಮಾಡಿರುವ ಕರ್ನಾಟಕ ರಾಜ್ಯ ಗ್ರಾಹಕರ ಆಯೋಗದ ಕಚೇರಿಯನ್ನು ನಗರದ ಜಿಲ್ಲಾಧಿಕಾರಿ ಆವರಣದಲ್ಲಿಆರಂಭಿಸಬೇಕು ಎಂದು ಆಗ್ರಹಿಸಿ ಸೋಮವಾರ ಬೆಳಗಾವಿ ಬಾರ್‌ ಅಸೋಸಿಯೇಷನ್‌ ನೇತೃತ್ವದಲ್ಲಿವಕೀಲರು ಜಿಲ್ಲಾಡಳಿತಕ್ಕೆ ಮನವಿ ಸಲ್ಲಿಸಿದರು.

ನಗರದಲ್ಲಿನಾಲ್ಕು ದಶಕಗಳ ಹೋರಾಟದ ಫಲವಾಗಿ ಕರ್ನಾಟಕ ರಾಜ್ಯ ಗ್ರಾಹಕರ ಆಯೋಗ ಮಂಜೂರಾಗಿದೆ. ಆದರೆ, ಇದುವರೆಗೂ ಕಚೇರಿ ಆರಂಭವಾಗಿಲ್ಲ. ಜತೆಗೆ ಕಚೇರಿಗೆ ಸ್ಥಳ ನಿಗದಿ ಕೂಡ ಮಾಡಿಲ್ಲ. ಸರಕಾರ ಮಂಜೂರು ಮಾಡಿರುವ ಕಚೇರಿ ಸ್ಥಳಾವಕಾಶವಿಲ್ಲದೆ ಆರಂಭವಾಗಿಲ್ಲ. ಕೂಡಲೇ ಕಚೇರಿ ಆರಂಭಕ್ಕೆ ಬೇಕಾದ ಎಲ್ಲಅಗತ್ಯ ಸಿದ್ಧತೆಯನ್ನು ಜಿಲ್ಲಾಡಳಿತ ಮಾಡಿಕೊಳ್ಳಬೇಕು ಎಂದು ಆಗ್ರಹಿಸಿದರು.

ಬಾರ್‌ ಅಸೋಶಿಯೇಷನ್‌ ಉಪಾಧ್ಯಕ್ಷ ಚಂದ್ರಕಾಂತ ಮಜಗಿ, ಪ್ರಧಾನ ಕಾರ್ಯದರ್ಶಿ ಆರ್‌.ಸಿ. ಪಾಟೀಲ, ಶಿವಪುತ್ರ ಎನ್‌.ಎಫ್‌., ಪ್ರಭಾಕರ ಪವಾರ, ಬಸವರಾಜ ಬಿ.ಒ., ನಿತಿನ್‌ ಬಿ.ಜಿ. ಮತ್ತಿತರರು ಇದ್ದರು.