ಜಿಂಕೆ ಹತ್ಯೆ ಮಾಡಿದ 8 ಜನರ ಬಂಧನ

ಖಾನಾಪುರ/ ಚನ್ನಮ್ಮನ ಕಿತ್ತೂರು: ಜಿಂಕೆ ಹತ್ಯೆ ಮಾಡಿದ ಹಾಗೂ ಜಿಂಕೆ ಮಾಂಸ ಸಾಗಿಸುತ್ತಿದ್ದ ಎರಡು ಪ್ರತ್ಯೇಕ ಪ್ರಕರಣಗಳನ್ನು ಪತ್ತೆ ಹಚ್ಚಿದ ಅರಣ್ಯ ಇಲಾಖೆ ಅಧಿಕಾರಿಗಳು ಒಟ್ಟು 8 ಆರೋಪಿಗಳನ್ನು ಬಂಧಿಸಿದ್ದಾರೆ.

ಜಿಂಕೆ ಹತ್ಯೆ ಮಾಡಿದ ಪ್ರಕರಣದಲ್ಲಿಕಿತ್ತೂರು ವಿಭಾಗದ ಉಪ ವಲಯ ಅರಣ್ಯಾಧಿಕಾರಿ ಸಿದ್ಧಲಿಂಗೇಶ್ವರ ಮಗದುಮ ಆರೋಪಿಗಳನ್ನು ಬಂಧಿಸಿದ್ದಾರೆ. ಕಿತ್ತೂರಿನ ಸೋಮವಾರ ಪೇಟೆಯ ಬಸವರಾಜ ಕೊಳೆಪ್ಪ ವಡ್ಡರ(48), ಗಂಗಪ್ಪ ವಸ್ತ್ರಪ್ಪ ಕಲ್ಲವಡ್ಡರ(24), ಹಣಮಂತ ದುರ್ಗಪ್ಪ ಕಲ್ಲವಡ್ಡರ(38) ಹಾಗೂ ಸುನಿಲ್‌ ಹನುಹಂತ ಮಣ್ಣಿನವಡ್ಡರ(29) ಬಂಧಿತರು.

ಕಿತ್ತೂರು ವರದಿ: ಬೇಟೆಯಾಡಿ ಸಾಯಿಸಿದ ಜಿಂಕೆಯನ್ನು ದ್ವಿಚಕ್ರ ವಾಹನದ ಮೇಲೆ ಸಾಗಿಸುತ್ತಿದ್ದ ವ್ಯಕ್ತಿಗಳನ್ನು ಸ್ಥಳೀಯ ಅರಣ್ಯಾಧಿಕಾರಿಗಳು ಬಂಧಿಸಿದ್ದಾರೆ.

ಜಿಂಕೆಯನ್ನು ಬೇಟೆಯಾಡಿದ ಬೈಲಹೊಂಗಲ ತಾಲೂಕಿನ ಬುಡರಕಟ್ಟಿ ಗ್ರಾಮದ ಭರಮಪ್ಪ ಹನುಮಂತ ಭಜಂತ್ರಿ (28), ಮಲ್ಲೇಶ ಹನುಮಂತ ಭಜಂತ್ರಿ (24) ಬಂಧಿತರು. ಇನ್ನೋರ್ವ ಆರೋಪಿ ಕಿತ್ತೂರಿನ ಯುವರಾಜ ಬಸಪ್ಪ ಭಜಂತ್ರಿ (35) ಪರಾರಿಯಾಗಿದ್ದಾನೆ. ಮೋಟರ್‌ ಬೈಕ್‌, ಎರಡು ಬ್ಲಾಂಕೆಟ್‌, ಮೂರು ಬಲೆಗಳು, ಒಂದು ಚೀಲ ಹಾಗೂ ಮಚ್ಚನ್ನು ಆರೋಪಿಗಳಿಂದ ವಶ ಪಡಿಸಿಕೊಳ್ಳಲಾಗಿದೆ.