ಗಾಂಜಾ ಮಾರುತ್ತಿದ್ದ ಇಬ್ಬರ ಬಂಧನ

ಬೆಳಗಾವಿ: ನಗರದ ರವಿವಾರ ಪೇಟೆ ಹತ್ತಿರ ಗಾಂಜಾ ಮಾರಾಟ ಮಾಡುತ್ತಿದ್ದ ಇಬ್ಬರನ್ನು ನಗರ ಪೊಲೀಸರು ಭಾನುವಾರ ಬಂಧಿಸಿ, 290 ಗ್ರಾಂ ಗಾಂಜಾ, ಒಂದು ಆಟೋ ವಶಪಡಿಸಿಕೊಂಡಿದ್ದಾರೆ. ಇಲ್ಲಿನ ಅಶೋಕ ನಗರದ ನಿಕಾಬ್‌ ದಸ್ತಗೀರಸಾಬ್‌ ಫಿರಜಾದೆ (38) ಹಾಗೂ ಸವದತ್ತಿ ತಾಲೂಕಿನ ಮುನ್ನೋಳಿಯ ಅಶೋಕ ಮಹಾದೇವಪ್ಪ ಚುಟಕೇನ್ನವರ (32) ಬಂಧಿತರು.

ರವಿವಾರ ಪೇಟೆ ಬಳಿ ಗಾಂಜಾ ಮಾರಾಟ ಮಾಡುತ್ತಿರುವ ಖಚಿತ ಮಾಹಿತಿ ಆಧರಿಸಿ ಇನ್ಸ್‌ಪೆಕ್ಟರ್‌ ವಿಜಯ ಮುರಗುಂಡಿ ನೇತೃತ್ವದಲ್ಲಿಎಎಸ್‌ಐ ಬಿ.ಕೆ. ಮೀಟಗಾರ, ಪೊಲೀಸರಾದ ಆಶೀರ ಜಮಾದಾರ, ಮಾರುತಿ ಚಾವಡಿ, ವಿ.ಬಿ. ಮಾಳಗಿ, ವೈ.ಎಚ್‌. ಕೊಚ್ಚರಗಿ ಒಳಗೊಂಡ ತಂಡ ದಾಳಿ ನಡೆಸಿ ಆರೋಪಿಗಳನ್ನು ಬಂಧಿಸಿದೆ. ಈ ಕುರಿತು ಮಾರ್ಕೆಟ್‌ ಪೊಲೀಸ್‌ ಠಾಣೆಯಲ್ಲಿಪ್ರಕರಣ ದಾಖಲಾಗಿದೆ.