ವಸತಿ, ಸೌಲಭ್ಯ ಕಲ್ಪಿಸಲು ಒತ್ತಾಯಿಸಿ ಧರಣಿ

ಬೆಳಗಾವಿ : ಜೋಪಡಪಟ್ಟಿ ನಿವಾಸಿಗಳಿಗೆ ಪುನರ್‌ ವಸತಿ ಹಾಗೂ ಇತರ ಸೌಲಭ್ಯ ನೀಡಬೇಕು ಎಂದು ಆಗ್ರಹಿಸಿ ರಾಷ್ಟ್ರವಾದಿ ಕಾಂಗ್ರೆಸ್‌ ಪಕ್ಷ ದ ಕಾರ್ಯಕರ್ತರು ಧರಣಿ ನಡೆಸಿ ಜಿಲ್ಲಾಧಿಕಾರಿಗೆ ಮನವಿ ನೀಡಿದರು.

20 ವರ್ಷಗಳಿಂದ ನಗರದ ವಿವಿಧ ಕೊಳಚೆ ಪ್ರದೇಶಗಲ್ಲಿ ಹಲವರು ವಾಸ ಮಾಡುತ್ತಿದ್ದು, ಸಣ್ಣ ಪುಟ್ಟ ಕೆಲಸ ಮಾಡಿ ದೈನಂದಿನ ಜೀವನ ನಡೆಸುತ್ತಿದ್ದಾರೆ. ವಸತಿ ಸೌಲಭ್ಯ ಕಲ್ಪಿಸುವಂತೆ 1999ರಿಂದ ಹೋರಾಟ ಮಾಡುತ್ತ ಬಂದಿದ್ದೇವೆ. ಹೋರಾಟದ ಫಲವಾಗಿ 2006ರಲ್ಲಿ ಮನೆ ಮಂಜೂರಾದರೂ ಅರ್ಹರಿಗೆ ಸಿಕ್ಕಿದ್ದು ಕಡಿಮೆ. ಆದ್ದರಿಂದ, ಅರ್ಹತೆ ಹೊಂದಿರುವ ಕೊಳಚೆ ನಿವಾಸಿಗಳಿಗೆ ಮೂಲಸೌಲಭ್ಯ ಕಲ್ಪಿಸಬೇಕು ಎಂದು ಕಾರ್ಯಕರ್ತರು ಮನವಿ ಮೂಲಕ ಆಗ್ರಹಿಸಿದರು.

ಗಾಂಧಿ ನಗರ, ಆಜಾದ್‌ ನಗರ, ಸದಾಶಿವ ನಗರ, ಅಲಾರವಾಡ, ಬಸವನ ಕುಡಚಿ, ಅನಗೋಳ, ಉದ್ಯಮಬಾಗದ ಕೊಳಚೆ ಪ್ರದೇಶಗಳ ನಿವಾಸಿಗಳು ಇದ್ದರು.