ಅಂಗನವಾಡಿ ಕೇಂದ್ರ ನಿರ್ಲಕ್ಷ್ಯಿಸಿದರೆ ಶಿಸ್ತು ಕ್ರಮ

ತೆಲಸಂಗ: ಅಂಗನವಾಡಿ ಕೇಂದ್ರಗಳಿಗೆ ಖಾಸಗಿ ಶಿಕ್ಷ ಣ ಸಂಸ್ಥೆಗಳಿಗಿಂತ ಹೆಚ್ಚು ಸವಲತ್ತುಗಳನ್ನು ಸರಕಾರ ಒದಗಿಸಿದ್ದು, ಅಥಣಿ ತಾಲೂಕಿನ ಯಾವುದೇ ಒಂದು ಅಂಗನವಾಡಿ ಕೇಂದ್ರ ನಿರ್ಲಕ್ಷ್ಯಕ್ಕೆ ಒಳಗಾದರೆ ಅಂಗನವಾಡಿ ಕಾರ್ಯಕರ್ತೆ ಹಾಗೂ ಮೇಲ್ವಿಚಾರಕಿಯರ ಮೇಲೆ ಶಿಸ್ತು ಕ್ರಮ ತಪ್ಪಿದ್ದಲ್ಲ ಎಂದು ಅಥಣಿ ಸಿಡಿಪಿಒ ಉದಯಗೌಡ ಪಾಟೀಲ ಅಂಗನವಾಡಿ ಕಾರ್ಯಕರ್ತೆಯರಿಗೆ ಖಡಕ್‌ ಎಚ್ಚರಿಕೆ ಕೊಟ್ಟಿದ್ದಾರೆ.

ಗ್ರಾಮದ ಅಂಗನವಾಡಿ ಕೇಂದ್ರಗಳಿಗೆ ಭೇಟಿ ನೀಡಿ ಮಾತನಾಡಿದ ಅವರು, ಅಂಗನವಾಡಿ ಕಾರ್ಯಕರ್ತೆಯರ ಮೇಲೆ ಬಹುದೊಡ್ಡ ಜವಾಬ್ದಾರಿ ಇದೆ. ನಮ್ಮ ದೇಶದ ಕಡು ಬಡುವರ ಭವಿಷ್ಯ ಬರೆಯುವ ಅವಕಾಶವನ್ನು ಅಂಗನವಾಡಿ ಕಾರ್ಯಕರ್ತೆಯರಿಗೆ ಕೊಡಲಾಗಿದೆ. ಇಂತಹ ಪವಿತ್ರ ಕಾರ್ಯದಲ್ಲಿ ನಿರ್ಲಕ್ಷ ್ಯ ಸಲ್ಲದು ಎಂದು ಹೇಳಿದರು.

ಪಿಡಿಒ ಬೀರಪ್ಪ ಕಡಗಂಚಿ ಮಾತನಾಡಿ, ಪ್ರತಿಯೊಂದು ಅಂಗನವಾಡಿ ಮೂಲಕವೇ ಶೌಚಾಲಯ ಬಳಕೆಯ ಜಾಗೃತಿ ಕಾರ್ಯ ನಡೆಯಬೇಕಿದೆ. ಮಹಿಳೆಯರು ಹೆಚ್ಚು ಸಂಪರ್ಕಕಕ್ಕೆ ಬರುವುದು ಅಂಗನವಾಡಿ ಕಾರ್ಯಕರ್ತೆಯರಿಗೆ. ಶೌಚಾಲಯ ಬಳಕೆ ಹಾಗೂ ನಿರ್ಮಾಣ ಕುರಿತಂತೆ ಯಾವುದೇ ಸಹಕಾರ ಗ್ರಾಮ ಪಂಚಾಯಿತಿಯಿಂದ ಕೊಡಲು ಸಿದ್ಧರಿದ್ದೇವೆ ಎಂದು ತಿಳಿಸಿದರು. ವಲಯ ಮೇಲ್ವಿಚಾರಕಿ ಎಸ್‌.ಎಸ್‌.ಶಾಸ್ತ್ರಿಮಠ, ಸೇರಿದಂತೆ ಅಂಗನವಾಡಿ ಕಾರ್ಯಕರ್ತೆಯರು ಉಪಸ್ಥಿತರಿದ್ದರು.