ಮತ್ತೆ ದ್ವಿಶತಕ, ನಾಲ್ಕು ಸಾವು- ಜಿಲ್ಲೆಯಲ್ಲಿ 214 ಹೊಸ ಕೇಸ್‌ ; ಮೃತರ ಸಂಖ್ಯೆ 34ಕ್ಕೆ

ಬೆಳಗಾವಿ: ಜಿಲ್ಲೆಯಲ್ಲಿ ಗುರುವಾರ ಮತ್ತೆ ಕೊರೊನಾ ಸೋಂಕಿತರ ಸಂಖ್ಯೆ ದ್ವಿಶತಕ (214) ದಾಟಿದ್ದು, ಸೋಂಕಿತ ನಾಲ್ವರು ಮೃತಪಟ್ಟಿದ್ದಾರೆ.

ಬೆಳಗಾವಿಯ 58 ವರ್ಷದ ಮಹಿಳೆ, ಅಥಣಿಯ 68 ಮತ್ತು 62 ವರ್ಷದ ಪುರುಷರು, ರಾಮದುರ್ಗದ 48 ವರ್ಷದ ಪುರುಷ ಮೃತಪಟ್ಟಿದ್ದಾರೆ. ಇದರೊಂದಿಗೆ ಜಿಲ್ಲೆಯಲ್ಲಿಕೊರೊನಾ ಸೋಂಕಿತರ ಸಾವಿನ ಸಂಖ್ಯೆ 34ಕ್ಕೆ ಏರಿದೆ. ಜತೆಗೆ ಗುರುವಾರದ ಪ್ರಕರಣಗಳೊಂದಿಗೆ ಕೊರೊನಾ ಪಾಸಿಟಿವ್‌ ಸಕ್ರಿಯ ಪ್ರಕರಣಗಳ ಸಂಖ್ಯೆ ಒಂದು ಸಾವಿರದ (1040) ಗಡಿ ದಾಟಿದೆ.

ಬುಧವಾರ ಸಂಜೆ 5 ಗಂಟೆಯಿಂದ ಗುರುವಾರ ಸಂಜೆ 5 ಗಂಟೆವರೆಗೆ ತಪಾಸಣೆಯಾದ ವರದಿಗಳಲ್ಲಿಇಷ್ಟೊಂದು ಪಾಸಿಟಿವ್‌ ಹೊಸ ಪ್ರಕರಣಗಳು ಪತ್ತೆಯಾಗಿವೆ. ರಾಮದುರ್ಗ ತಾಲೂಕಿನಲ್ಲಿ37 ಜನರಿಗೆ ಪಾಸಿಟಿವ್‌ ಬಂದಿದೆ. ಜಿಲ್ಲೆಯ ಎಲ್ಲತಾಲೂಕುಗಳಲ್ಲಿಕೊರೊನಾ ಪಾಸಿಟಿವ್‌ ಪ್ರಕರಣಗಳು ಕಂಡು ಬಂದಿವೆ. ಬಹಳ ಕಡೆ ಪುರಸಭೆ, ಕೆಎಸ್‌ಆರ್‌ಟಿಸಿ ಸಿಬ್ಬಂದಿ ಸೇರಿ ಸರಕಾರಿ ನೌಕರರೇ ಸೋಂಕಿಗೆ ತುತ್ತಾಗಿದ್ದಾರೆ.