ಸಮಾದೇಷ್ಟರಾಗಿ ಡಾ. ಕಿರಣ ಅಧಿಕಾರ ಸ್ವೀಕಾರ

ಬೆಳಗಾವಿ : ಜಿಲ್ಲಾ ಗೃಹರಕ್ಷಕ ದಳದ ನೂತನ ಸಮಾದೇಷ್ಟರಾಗಿ ಡಾ. ಕಿರಣ ರುದ್ರಾನಾಯ್ಕ್‌ ಅಧಿಕಾರ ಸ್ವೀಕರಿಸಿದ್ದಾರೆ.

ಇಲ್ಲಿನ ಶ್ರೀನಗರದಲ್ಲಿರುವ ಗೃಹರಕ್ಷಕ ದಳದ ಕಚೇರಿಯಲ್ಲಿ ಬುಧವಾರ ಅಧಿಕಾರ ಸ್ವೀಕಾರ ಸಮಾರಂಭ ಜರುಗಿತು. ಈ ಸಂದರ್ಭದಲ್ಲಿ ಮಾತನಾಡಿದ ಅವರು, ಬೆಳಗಾವಿ ಸುಂದರ ಹಾಗೂ ಎಲ್ಲರೂ ಹೆಮ್ಮೆ ಪಡುವ ನಗರ. ಇಲ್ಲಿ ದಕ್ಷತೆಯಿಂದ ಕಾರ್ಯನಿರ್ವಹಿಸಲು ಬದ್ಧವಿದ್ದೇನೆ. ಸಿಬ್ಬಂದಿ ಮತ್ತು ಆಡಳಿತ ವ್ಯವಸ್ಥೆಯಲ್ಲೂ ಚುರುಕು ತರುತ್ತೇನೆ ಎಂದು ಭರವಸೆ ನೀಡಿದರು.

ಶಂಕರ ಕುರುಬರ, ಐ.ಎಸ್‌. ಮೇಸ್ತ್ರಿ, ಬಸವರಾಜ ಹಂಡಗಿ, ಆರ್‌. ರಾಜೇಂದ್ರನ್‌, ಅನೀಲ ಶಿಂಗೆನ್ನವರ್‌, ಆನಂದ ನಾವಲಗಿ, ನಾಗಪ್ಪ ದೇವಕರ್‌ ಒಳಗೊಂಡು ಇತರರು ಈ ಸಂದರ್ಭದಲ್ಲಿ ಉಪಸ್ಥಿತರಿದ್ದರು.