ಸಚಿವ ಸ್ಥಾನದ ಆಸೆ ಇಲ್ಲಎಂದ ದುರ್ಯೋಧನ ಐಹೊಳೆ

ಚಿಕ್ಕೋಡಿ: ''ನಾನು ಸಚಿವ ಸ್ಥಾನದ ಆಕಾಂಕ್ಷಿಯಲ್ಲ. ಆದರೆ, ಪಕ್ಷದ ಹಿರಿಯ ನಾಯಕರಾದ ಉಮೇಶ ಕತ್ತಿ ಅವರಿಗೆ ಸಚಿವ ಸ್ಥಾನ ನೀಡಬೇಕು'' ಎಂದು ಶಾಸಕ ದುರ್ಯೋಧನ ಐಹೋಳೆ ಹೇಳಿದರು.

ತಾಲೂಕಿನ ಉಮರಾಣಿ ಮತ್ತು ಡೋಣವಾಡ ಗ್ರಾಮದಲ್ಲಿಲೋಕೋಪಯೋಗಿ ಇಲಾಖೆಯ 50 ಲಕ್ಷ ರೂ. ವೆಚ್ಚದ ಕಾಮಗಾರಿಗೆ ಚಾಲನೆ ನೀಡಿ ಅವರು ಮಾತನಾಡಿದರು.

''ಉತ್ತರ ಕರ್ನಾಟಕದ ಪ್ರಭಾವಿ ನಾಯಕರಾಗಿರುವ ಉಮೇಶ ಕತ್ತಿ ಅವರಿಗೆ ಸಚಿವ ಸ್ಥಾನ ನೀಡುವಂತೆ ಮುಖ್ಯಮಂತ್ರಿ ಬಿ.ಎಸ್‌.ಯಡಿಯೂರಪ್ಪನವರಿಗೆ ಮನವಿ ಮಾಡಲಾಗುವದು. ನನಗೆ ಸಚಿವ ಸ್ಥಾನ ನೀಡಿದರೆ ರಾಜ್ಯಾದ್ಯಾಂತ ಕೆಲಸ ಮಾಡಬೇಕಾಗುತ್ತದೆ. ನಾನು ರಾಯಬಾಗ ವಿಧಾನಸಭಾ ಕ್ಷೇತ್ರಕ್ಕೆ ಹೆಚ್ಚಿನ ಅನುದಾನ ತಂದು ಅಭಿವೃದ್ಧಿ ಮಾಡುತ್ತೇನೆ'' ಎಂದರು.

ಜಿಪಂ ಸದಸ್ಯ ಪವನ ಕತ್ತಿ ಮಾತನಾಡಿ, ''ಶಾಸಕ ದುರ್ಯೋದನ ಐಹೊಳೆ ಅವರು ಮೂರು ಬಾರಿ ಶಾಸಕರಾಗಿದ್ದಾರೆ. ಅವರಿಗೆ ನಿಗಮ ಮಂಡಳಿ ಸ್ಥಾನ ನೀಡಬೇಕು'' ಎಂದರು.

ಹಿರಣ್ಯಕೇಶಿ ಸಹಕಾರಿ ಸಕ್ಕರೆ ಕಾರಖಾನೆ ನಿರ್ದೇಶಕ ಸುರೇಶ ಬೆಲ್ಲದ, ಗ್ರಾ.ಪಂ ಉಪಾಧ್ಯಕ್ಷ ಧನಪಾಲ ಭೀಮನಾಯ್ಕ, ಪಿಡಬ್ಯೂ$್ಲಡಿ ಎಇಇ ಬಿ.ಬಿ.ಬೇಡಕಿಹಾಳೆ, ಐ.ಎ.ಕಾಕೋಳ, ಮುರಗೆಪ್ಪಾ ಅಡಿಸೇರಿ, ಡಾ. ಆರ್‌.ಕೆ.ಬಾಗಿ, ಕಲಗೌಡ ಪಾಟೀಲ, ಮಾಹಾದೇವ ಕಿವಡ, ಬಾಗಣ್ಣಾ ಪಾಟೀಲ, ಜಯಾನಂದ ವಂಟಮುತ್ತೆ, ಮಹಾದೇವ ಪೂಜಾರಿ, ಗುತ್ತಿಗೆದಾರ ರಾಜು ಡೊಂಗರೆ, ಪ್ರಭು ಡಬ್ಬನ್ನವರ, ಕುಮಾರ ಮಾಂಜರೆ, ಸದಾಶಿವ ಘೋರ್ಪಡೆ, ಅಣ್ಣಾಸಾಬ ಖೆಮಲಾಪೂರೆ, ಮಹೇಶ ನಾವಿ ಮುಂತಾದವರು ಉಪಸ್ಥಿತರಿದ್ದರು.