ಸಾಲಬಾಧೆ ತಾಳದೆ ಅಥಣಿ ತಾಲೂಕಿನ ಕೊಡಗಾನೂರ ಗ್ರಾಮದ ರೈತ ಆತ್ಮಹತ್ಯೆ

ಅಥಣಿ(ಬೆಳಗಾವಿ): ತಾಲೂಕಿನ ಕೊಡಗಾನೂರ ಗ್ರಾಮದ ರೈತ ಹಸನಸಾಬ್‌ ವಜೀರಸಾಬ ಪಠಾಣ(35) ವಿಷ ಸೇವಿಸಿ ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ. ಇವರು ಕೃಷಿ ಚಟುವಟಿಕೆಗಳಿಗೆ ಹಾಗೂ ಸರಕು ವಾಹನಗಳಿಗೆ ಬ್ಯಾಂಕ್‌ ಮತ್ತು ಕೈಗಡ ಸೇರಿ ಸುಮಾರು 10 ಲಕ್ಷ ರೂ. ಸಾಲ ಮಾಡಿದ್ದರು. ಅಲ್ಲದೆ, ಇವರಿಗೆ ಖಾಸಗಿ ಸಕ್ಕರೆ ಕಾರ್ಖಾನೆಯೊಂದರಿಂದ ವಾಹನಗಳ ಬಾಡಿಗೆಯಾಗಿ ಲಕ್ಷಾಂತರ ರೂ. ಬರಬೇಕಿತ್ತು. ಬಾಕಿ ಹಣ ಪಾವತಿ ವಿಳಂಬ ಹಾಗೂ ಸಾಲಗಾರರ ಒತ್ತಡದಿಂದ ಮನನೊಂದು ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ ಎಂದು ಮೃತರ ಸಹೋದರರು ಐಗಳಿ ಪೊಲೀಸ್‌ ಠಾಣೆಯಲ್ಲಿಪ್ರಕರಣ ದಾಖಲಿಸಿದ್ದಾರೆ.