ಫ್ಯಾಶನ್‌ ಶೋ; ಬೆಳಗಾವಿ ಸಹೋದರಿಯರಿಗೆ ಪ್ರಶಸ್ತಿ

ಬೆಳಗಾವಿ: ನಗರದ ಇಬ್ಬರು ಯುವತಿಯರು ಬೆಂಗಳೂರಿನಲ್ಲಿ ಈಚಿಗೆ ಆಯೋಜಿಸಿದ್ದ ಫ್ಯಾಷನ್‌ ಶೋ ಸ್ಪರ್ಧೆಯಲ್ಲಿ ಬಹುಮಾನ ಪಡೆದು ಸಾಧನೆ ಮಾಡಿದ್ದಾರೆ.

ಮಿಸ್‌ ಪ್ರಿನ್ಸಸ್‌ ಇಂಡಿಯಾ - 2019 ಸ್ಪರ್ಧೆಯಲ್ಲಿ ಸ್ನೇಹಲ್‌ ಬಿರ್ಜೆ 2ನೇ ರನ್ನರ್‌ ಅಪ್‌ ಸ್ಥಾನ ಪಡೆದಿದ್ದು, ಸೇಜಲ್‌ ಬಿರ್ಜೆ ಮಿಸ್‌ ಪ್ರಿನ್ಸಸ್‌ ನಾರ್ಥ್‌ ಕರ್ನಾಟಕ ಟೈಟಲ್‌ ಪ್ರಶಸ್ತಿ ಗಿಟ್ಟಿಸಿದ್ದಾರೆ. ಸ್ನೇಹಲ್‌ ಬಿರ್ಜೆ ಈ ಹಿಂದೆ ಹೈದ್ರಾಬಾದ್‌ನಲ್ಲಿ ಖಾಸಗಿ ಸಂಸ್ಥೆ ಆಯೋಜಿಸಿದ್ದ ಮಿಸ್‌ ಫೋಟೋಜೆನಿಕ್‌ ಮಾಡೆಲ್‌ ಪ್ರಶಸ್ತಿಹಾಗೂ ಮಿಸ್‌ ಮಹಾರಾಷ್ಟ್ರ ಮಾಡೆಲ್‌ ಪ್ರಶಸ್ತಿ ಗೆದ್ದುಕೊಂಡಿದ್ದಾರೆ. ವಡಗಾವಿಯ ರೈತ ಗಲ್ಲಿಯ ನಿವಾಸಿಗಳಾದ ಸ್ನೇಹಲ್‌ ಹಾಗೂ ಸೀಜಲ್‌ ಅವರ ಪಾಲಕರು ರೈತ ಕುಟುಂಬ ಹಿನ್ನೆಲೆಯವರು.