‘ಚಿನ್ನದ ಹುಡುಗಿ’ ಅಶ್ವಿನಿಗೆ ಕಾಲೇಜು ವತಿಯಿಂದ ಸನ್ಮಾನ

ಪರಮಾನಂದವಾಡಿ : ಗ್ರಾಮದ ಶ್ರೀ ಹಾಲಸಿದ್ದೇಶ್ವರ ಶಿಕ್ಷ ಣ ಸಂಸ್ಥೆಯ ಶ್ರೀ ಜೆ.ಪಿ. ಶಿರಗೂರಕರ ಕಲಾ ಹಾಗೂ ವಾಣಿಜ್ಯ ಪದವಿ ಮಹಾವಿದ್ಯಾಲಯದ ವಾಣಿಜ್ಯ ವಿಭಾಗದಅಂತಿಮ ವರ್ಷದ ವಿದ್ಯಾರ್ಥಿನಿ ಅಶ್ವಿನಿ ಸದಾಶಿವ ಖವಟಕೊಪ್ಪ 'ಮಾರುಕಟ್ಟೆ ನಿರ್ವಹಣೆ' ವಿಷಯದಲ್ಲಿ ಶೇ. 98 ಅಂಕ ಗಳಿಸಿ ರಾಣಿ ಚನ್ನಮ್ಮ ವಿಶ್ವವಿದ್ಯಾಲಯಕ್ಕೆ ಪ್ರಥಮ ರಾರ‍ಯಂಕ್‌ದೊಂದಿಗೆ ಚಿನ್ನದ ಪದಕ ಪಡೆದಿದ್ದಾರೆ.

ಬೆಳಗಾವಿಯಲ್ಲಿ ಇತ್ತೀಚೆಗೆ ನಡೆದ ರಾಣಿ ಚನ್ನಮ್ಮ ವಿಶ್ವವಿದ್ಯಾಲಯದ 2017-18ನೇ ಶೈಕ್ಷ ಣಿಕ ವರ್ಷದ 7ನೇ ಘಟಿಕೋತ್ಸವದಲ್ಲಿ ಅವರಿಗೆ ಪದಕ ಪ್ರದಾನ ಮಾಡಲಾಯಿತು.

ಈ ಹಿನ್ನೆಲೆಯಲ್ಲಿ ಅವರನ್ನು ಮಹಾವಿದ್ಯಾಲಯದ ವತಿಯಿಂದ ಸನ್ಮಾನಿಸಿ ಅಭಿನಂದಿಸಲಾಯಿತು. ಆಡಳಿತ ಮಂಡಳಿ ಅಧ್ಯಕ್ಷ ವಿ.ಬಿ.ದಳವಾಯಿ, ಕಾರ್ಯದರ್ಶಿ ವಿಜಯ ದಳವಾಯಿ, ಪ್ರಾಚಾರ್ಯ ಕೆ.ಎಂ.ಆಗೇರ ಹಾಗೂ ಪಿಯು ವಿಭಾಗದ ಪ್ರಾಚಾರ್ಯ ಎನ್‌.ಬಿ. ಕುಸನಾಳೆ, ತಾಪಂ ಸದಸ್ಯ ಸಾತಪ್ಪ ಅಂಬಿ, ಪಾಲಕರಾದ ಎಂ.ಎಂ. ಖವಟಕೊಪ್ಪ ಮತ್ತು ವಿದ್ಯಾಲಯದ ಉಪನ್ಯಾಸಕರು ಹಾಗೂ ಬೋಧಕೇತರ ವರ್ಗದವರು ಹಾಜರಿದ್ದರು.