ವಿದ್ಯುತ್‌ ಶಾರ್ಟ್‌ಸಕ್ರ್ಯೂಟ್‌ನಿಂದ ಗುಡಿಸಲುಗಳಿಗೆ ಬೆಂಕಿ: ಅಪಾರ ಹಾನಿ

ಯರಗಟ್ಟಿ : ಸಮೀಪದ ಯರಗಣ್ವಿ ಗ್ರಾಮದಲ್ಲಿ ಆಕಸ್ಮಿಕ ವಿದ್ಯುತ್‌ ಶಾರ್ಟ್‌ ಸಕ್ರ್ಯೂಟ್‌ನಿಂದ ಎರಡು ಗುಡಿಸಲುಗಳು ಬೆಂಕಿಗಾಹುತಿಯಾಗಿವೆ. ಈ ಅವಘಡದಲ್ಲಿ 1.80 ಲಕ್ಷ ರೂ. ಮೌಲ್ಯದ ವಸ್ತುಗಳು ಸುಟ್ಟು ಕರಕಲಾಗಿ, ಕೂದಲೆಳೆಯ ಅಂತರದಲ್ಲಿ ಎರಡು ಎತ್ತುಗಳು ಪ್ರಾಣಾಪಾಯದಿಂದ ಪಾರಾಗಿವೆ.

ಘಟನೆ ವಿವರ: ಗ್ರಾಮದ ಭೀಮಪ್ಪ ಶಿವನಪ್ಪ ನಾಯ್ಕಪ್ಪಗೋಳ ಹಾಗೂ ಈಶ್ವರ ಶಿವನಪ್ಪ ನಾಯ್ಕಪ್ಪಗೋಳ ಸಹೋದರರಿಗೆ ಸೇರಿದ ಈ ಗುಡಿಸಲುಗಳಿಗೆ ಗುರುವಾರ ಮಧ್ಯಾಹ್ನ ಸವೀರ್‍ಸ್‌ ಲೈನ್‌ ಕೇಬಲ್‌ನಿಂದ ಶಾರ್ಟ್‌ ಸಕ್ರ್ಯೂಟ್‌ನಿಂದ ಬೆಂಕಿ ಹತ್ತಿಕೊಂಡಿದೆ. ಈ ವೇಳೆ ಮನೆಯವರು ಗಾಬರಿಯಾಗಿ ಹೊರಬಂದು ಗ್ರಾಮಸ್ಥರ ಸಹಾಯದೊಂದಿಗೆ ಗುಡಿಸಲಿನೊಳಗಿದ್ದ ಎತ್ತುಗಳನ್ನು ರಕ್ಷಿಸಿದ್ದಾರೆ. ಅಷ್ಟರಲ್ಲಿ ಗುಡಿಸಲು ಸಂಪೂರ್ಣ ಸುಟ್ಟುಹೋಗಿ ಒಳಗಿದ್ದ ಒಕ್ಕಲುತನದ ಪರಿಕರಗಳು, ಕೊಳವೆ ಬಾವಿಗೆ ಜೋಡಿಸುವ ಮೋಟರ್‌ ಪಂಪ್‌, ಕೇಬಲ್‌, ಸವೀರ್‍ಸ್‌ ವೈರ್‌, ಪೈಪ್‌ಗಳು ಹಾಗೂ ದವಸ ದಾನ್ಯಗಳು ಸುಟ್ಟು ಹೋಗಿವೆ.

ಸ್ಥಳಕ್ಕೆ ಗ್ರಾಮ ಲೆಕ್ಕಾಧಿಕಾರಿ ಮಲ್ಲಮ್ಮ ಬಾಲಗೊಣ್ಣವರ, ಪೊಲೀಸ್‌ ಅಧಿಕಾರಿಗಳು, ಹೆಸ್ಕಾಂ ಅಧಿಕಾರಿಗಳು ಭೇಟಿ ನೀಡಿ ಪರಿಶೀಲಿಸಿದ್ದಾರೆ. ಮುರಗೋಡ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.