ಮೊಕ್ಕಾ ಕಾಯ್ದೆಯಡಿ ಐವರ ಬಂಧನ

ಇಚಲಕರಂಜಿ: ಕೊಲ್ಲಾಪುರ ಪೊಲೀಸರು ಸ್ಥಳೀಯ ಅಮೋಲ ಮಾಳಿ ಸೇರಿದಂತೆ ಐದು ಜನರನ್ನು ಮೊಕ್ಕಾ ಕಾಯ್ದೆಯಡಿ ಬಂಧಿಸಿದ್ದಾರೆ. ಇಚಲಕರಂಜಿಯಲ್ಲಿ ಮೊಕ್ಕಾ ಕಾಯ್ದೆಯಡಿ ಬಂಧಿಸಲಾಗಿರುವ 11ನೇ ಪ್ರಕರಣ ಇದು. ಈ ಮೊದಲು ಅಮೋಲ ಮಾಳಿ ಗ್ಯಾಂಗ್‌ನಲ್ಲಿದ್ದ 8 ಜನರನ್ನು ಮೊಕ್ಕಾ ಕಾಯ್ದೆಯಡಿ ಬಂಧಿಸಲಾಗಿತ್ತು. ಬಳಿಕ ಅಜೀತ ಮಾಳಿ, ಅನೀಲ ಮೋಳೆ, ತೌಫೀಕ ಶಿರಗುಪ್ಪೆ, ಪಿಂಟು ರಾಯ್‌, ಮಿಂಟು ರಾಯ್‌ ಅವರನ್ನು ಬಂಧಿಸಲಾಗಿದೆ. ಅವರ ವಿರುದ್ಧ ಇಬ್ಬರ ಹತ್ಯೆ, ದರೋಡೆ ಮತ್ತು ಅನಧಿಕೃತ ಆಯುಧಗಳು ಸಂಗ್ರಹಿಸಿದ ಪ್ರಕರಣಗಳು ದಾಖಲಾಗಿವೆ.

ಅನೀಲ ಮೋಳೆ, ತೌಫೀಕ ಶಿರಗುಪ್ಪೆ,ಹಾಗೂ ಪಿಂಟುರಾಯ ಅವರು ಕಾರಾಗೃಹದಲ್ಲಿದ್ದು, ಮಿಂಟು ರಾಯ್‌, ಅಜೀತ ಮಾಳಿ ಅವರು ಜಾಮೀನಿನ ಮೇಲೆ ಹೊರಬಂದಿದ್ದಾರೆ.