ಬೆಳಗಾವಿಯಿಂದ ಹೈದರಾಬಾದ್‌, ತಿರುಪತಿ ವಿಮಾನ ಸೇವೆ

ಬೆಳಗಾವಿ: ಮುಂದಿನ ತಿಂಗಳು ಬೆಳಗಾವಿಯಿಂದ ಹೈದರಾಬಾದ್‌, ತಿರುಪತಿ ವಿಮಾನ ಸಂಪರ್ಕ ಆರಂಭವಾಗಲಿದ್ದು, ವರ್ಷಾಂತ್ಯದೊಳಗೆ ಬೆಳಗಾವಿಯಿಂದ 40 ವಿಮಾನಗಳು ಹಾರಾಟ ನಡೆಸಲಿದೆ ಎಂದು ವಿಮಾನ ನಿಲ್ದಾಣ ನಿರ್ದೇಶಕ ರಾಜೇಶಕುಮಾರ ಮೌರ್ಯ ತಿಳಿಸಿದರು.

ಇಲ್ಲಿನ ಫೌಂಡ್ರಿಕ್ಲಸ್ಟರ್‌ ಸಭಾಭವನದಲ್ಲಿಶನಿವಾರ ವಾಣಿಜ್ಯೋದ್ಯಮ ಸಂಘ ಆಯೋಜಿಸಿದ್ದ ವಿವಿಧ ಪ್ರಶಸ್ತಿ ಪ್ರದಾನ ಸಮಾರಂಭದಲ್ಲಿಅವರು ಮಾತನಾಡಿ, ಬೆಳಗಾವಿ- ನವದೆಹಲಿ ವಿಮಾನ ಸಂಪರ್ಕಕ್ಕೆ ಪ್ರಯಾಣಿಕರ ಬೇಡಿಕೆ ಇದೆ. ಮುಂದಿನ ತಿಂಗಳು ನವದೆಹಲಿಗೂ ವಿಮಾನ ಹಾರಾಟ ಶುರುವಾಗಲಿದೆ ಎಂದು ಹೇಳಿದರು.

ಸದ್ಯ ಬೆಳಗಾವಿಯಿಂದ ನಾಲ್ಕು ವಿಮಾನ ಸಂಸ್ಥೆಗಳಿಂದ 20 ವಿಮಾನಗಳು ಹಾರಾಟ ನಡೆಸುತ್ತಿವೆ. ಪ್ರತಿ ತಿಂಗಳು 21 ಸಾವಿರ ಜನರು ಪ್ರಯಾಣಿಸುತ್ತಿದ್ದಾರೆ. ಮುಂದಿನ ತಿಂಗಳಲ್ಲಿಟ್ರೂ ಜೆಟ್‌ ಕೂಡ ಹಾರಾಟ ಶುರು ಮಾಡಲಿದೆ. ಉಡಾನ್‌ 3ರಲ್ಲಿದೇಶದಲ್ಲೇ ಅತೀ ಹೆಚ್ಚು ರೂಟ್‌ ಪಡೆದ ಕೀರ್ತಿ ಬೆಳಗಾವಿಗೆ ಸಲ್ಲುತ್ತದೆ ಹೇಳಿದರು.

ರಾಜೇಶಕುಮಾರ ಮೌರ್ಯ ಅವರು ರಚಿಸಿರುವ ಚಿತ್ರಕಲೆಗಳನ್ನು ಇದೇ ವೇಳೆ ಬಿಡುಗಡೆ ಮಾಡಲಾಯಿತು.