ಎಲ್ಲ ವಿಜ್ಞಾನಗಳಿಗೂ ಜಾನಪದವೇ ಮೂಲ

ಬೆಳಗಾವಿ: ಜನರಲ್ಲಿನ ಮೂಢನಂಬಿಕೆ ಹೋಗಲಾಡಿಸಿ ವೈಜ್ಞಾನಿಕ ಮನೋಭಾವ ಬೆಳೆಸಲು ಜಾನಪದವು ಪರಿಣಾಮಕಾರಿ ಸಂವಹನ ಮಾಧ್ಯಮವಾಗಿದೆ ಎಂದು ಹಾವೇರಿಯ ಕರ್ನಾಟಕ ಜಾನಪದ ವಿಶ್ವವಿದ್ಯಾಲಯದ ಕುಲಪತಿ ಡಿ.ಬಿ. ನಾಯಕ ಅಭಿಪ್ರಾಯ ಪಟ್ಟರು.

ಡಾ. ನಾಗಲೋಟಿಮಠ ವಿಜ್ಞಾನ ಕೇಂದ್ರ ಸಹಯೋಗದಲ್ಲ್ಲಿ ವಿಜ್ಞಾನ ಪದವೀಧರರು, ಶಿಕ್ಷ ಕರು, ಶಿಕ್ಷ ಣ ಮಹಾವಿದ್ಯಾಲಯಗಳ ಪ್ರಶಿಕ್ಷ ಣಾರ್ಥಿಗಳಿಗೆ ಆಯೋಜಿಸಿರುವ ಐದು ದಿನಗಳ 'ಜಾನಪದ ಮಾಧ್ಯಮಗಳ ಮೂಲಕ ವಿಜ್ಞಾನ ಸಂವಹನ' ಕಾರ್ಯಾಗಾರ ಉದ್ಘಾಟಿಸಿ ಅವರು ಮಾತನಾಡಿದರು. ಎಲ್ಲ ವಿಜ್ಞಾನಗಳ ಮೂಲ ಜಾನಪದವೇ ಆಗಿದೆ. ಆದರೆ, ಅನಕ್ಷ ರು, ವಿಶ್ವವಿದ್ಯಾಲಯಗಳಲ್ಲಿ ಅಧ್ಯಯನ ಮಾಡದ, ಹೆಸರಿಲ್ಲದ ವ್ಯಕ್ತಿಗಳಿಂದ ಬೆಳೆದು ಬಂದ ಮಾಧ್ಯಮ ಎಂಬ ಕಾರಣಕ್ಕೆ ಜಾನಪದವು ನಿರ್ಲಕ್ಷ್ಯಕ್ಕೊಳಗಾಗಿದೆ ಎಂದರು.

ಜನಪದ ತಜ್ಞ ಪ್ರೊ. ಕೆ.ಎಸ್‌. ಕೌಜಲಗಿ ಮಾತನಾಡಿ, ನಮ್ಮ ಬದುಕೇ ಜನಪದ. ಇದು ಹೆಸರಿಲ್ಲದ, ಹೆಸರಿಡದ ಜನರಿಂದ ಬೆಳೆದಿದ್ದರೂ ಅನೇಕರು ಜನಪದ ಸಾಹಿತ್ಯದ ಬಗ್ಗೆ ಅಧ್ಯಯನ ಮಾಡಿ ಪದವಿ ಗಳಿಸುತ್ತಿದ್ದಾರೆ. ಜನಪದದ ಮೂಲಕ ಸಂಹವನ ಮಾಡಿದ ವಿಷಯಗಳನ್ನು ಜನಸಾಮಾನ್ಯರಲ್ಲಿ ಪ್ರಶ್ನಾತೀತವಾಗಿ ಒಪ್ಪಲ್ಟಡುತ್ತವೆ ಎಂದರು.

ನಿವೃತ್ತ ಪ್ರಾಚಾರ್ಯ ಡಾ. ಬಸವರಾಜ ಜಗಜಂಪಿ ಅಧ್ಯಕ್ಷತೆ ವಹಿಸಿದ್ದರು.

ಕಾರ್ಯಾಗಾರದ ಮುಖ್ಯ ಪರಿವೀಕ್ಷ ಣಾಧಿಕಾರಿ ಡಾ. ಲಿಂಗರಾಜ ರಾಮಾಪುರೆ ಐದು ದಿನಗಳ ಚಟುವಟಿಕೆಗಳ ಬಗ್ಗೆ ವಿವರಿಸಿದರು. ವಿಜ್ಞಾನ ಕೇಂದ್ರದ ಅಧಿಕಾರಿ ರಾಜಶೇಖರ ಪಾಟೀಲ, ಭಾರತೀಯ ಕುಟುಂಬ ಯೋಜನಾ ಸಂಸ್ಥೆ ಅಧ್ಯಕ್ಷ ಪ್ರೊ. ಜಿ. ಕೆ. ಕಡಬಡಿ, ಬೆಳಗಾವಿ ಜನಪದ ಸಾಹಿತ್ಯ ಪರಿಷತ್‌ ಅಧ್ಯಕ್ಷ ಮೋಹನ ಗುಂಡ್ಲೂರು, ನಿವೃತ್ತ ಉಪನ್ಯಾಸಕ ಎಂ.ಬಿ. ಉಳ್ಳಾಗಡ್ಡಿ, ವಿಕಸನ ಸಂಸ್ಥೆ ಅಧ್ಯಕ್ಷ ಸಂಜಯ ಮಗದುಮ್‌ ಉಪಸ್ಥಿತರಿದ್ದರು.