ಸಚಿನ್‌ ಕೊಲೆ ಪ್ರಕರಣದ ನಾಲ್ವರು ಆರೋಪಿತರ ಬಂಧನ

ನಿಪ್ಪಾಣಿ: ತಾಲೂಕಿನ ಹಂಚಿನಾಳ ಕೆ.ಎಸ್‌. ಗ್ರಾಮದಲ್ಲಿಕಳೆದ ಎರಡು ದಿನಗಳ ಹಿಂದಷ್ಟೇ ಪತಿಯನ್ನು ಕೊಲೆ ಮಾಡಿ ತಲೆ ಮರೆಸಿಕೊಂಡಿದ್ದ ಪತ್ನಿ ಹಾಗೂ ಸಹ ಆರೋಪಿಗಳನ್ನು ಇಲ್ಲಿನ ಗ್ರಾಮೀಣ ಪೋಲಿಸರು ಭಾನುವಾರ ಮಹಾರಾಷ್ಟ್ರ ಗಡಿಯಲ್ಲಿಬಂಧಿಸಿದ್ದಾರೆ.
ಕೊಲೆಯಾದ ಸಚಿನ್‌ ಸದಾಶಿವ ಭೋಪಳೆ ಪತ್ನಿ ಅನಿತಾ (35), ಸಹ ಆರೋಪಿತರಾದ ಕೃಷ್ಣಾತ್‌(ಪಿಂಟು) ರಾಜಾರಾಮ ಘಾಟಗೆ(26) ಹಾಗೂ ಪತ್ನಿಯ ಸಹೋದರಿ ಕಾಗಲ್‌ ತಾಲೂಕಿನ ಸಿದ್ಧನೇರ್ಲಿ ಗ್ರಾಮದ ವನಿತಾ ಕೃಷ್ಣಾತ್‌ ಚವಾಣ(29) ಮತ್ತು ಹುನ್ನರಗಿ ಗ್ರಾಮದ ಗಣೇಶ ಅಣ್ಣಪ್ಪಾ ರೇಡೇಕರ(21) ಬಂಧಿತರು. ಇವರಿಂದ ಕೊಲೆಗೆ ಉಪಯೋಗಿಸಿದ್ದ ಬಡಿಗೆ, ಹಗ್ಗ ಇತ್ಯಾದಿ ವಶಪಡಿಸಿಕೊಳ್ಳಲಾಗಿದ್ದು ನಾಲ್ವರನ್ನೂ ನ್ಯಾಯಾಲಯಕ್ಕೆ ಹಾಜರುಪಡಿಸಲಾಗಿದೆ.
ಪಿಎಸ್‌ಐ ಬಿ.ಎಸ್‌.ತಳವಾರ ನೇತೃತ್ವದಲ್ಲಿಪೋಲಿಸರು ವಿಶೇಷ ತಂಡ ರಚಿಸಿ ಕಾರ್ಯಾಚರಣೆ ನಡೆಸಿದ್ದರು.