ಲಿಂಗಾಯತ ಜನಪ್ರತಿನಿಧಿಗೆ ಸಂಪುಟ ದರ್ಜೆ ಸ್ಥಾನಮಾನ ನೀಡಿ

ಬೈಲಹೊಂಗಲ: ''ಸಂಸದ ಸುರೇಶ ಅಂಗಡಿ ಅವರಿಗೆ ಕೇಂದ್ರ ಮಂತ್ರಿ ಮಂಡಲದಲ್ಲಿ ರಾಜ್ಯ ಸಹಾಯಕ ಖಾತೆ ಕೊಟ್ಟು ಲಿಂಗಾಯತ ಸಮಾಜವನ್ನು ಅವಮಾನಿಸಲಾಗಿದೆ'' ಎಂದು ಆಕ್ರೋಶ ವ್ಯಕ್ತಪಡಿಸಿರುವ ಲಿಂಗಾಯತ ಮೀಸಲಾತಿ ಹೋರಾಟ ವೇದಿಕೆ ಸಂಚಾಲಕ ಬಿ.ಎಂ. ಚಿಕ್ಕನಗೌಡರ ಅವರು, ''ಸಮಾಜದ ಒಬ್ಬರಿಗಾದರೂ ಸಂಪುಟ ದರ್ಜೆ ಸ್ಥಾನಮಾನ ನೀಡುಬೇಕು'' ಎಂದು ಒತ್ತಾಯಿಸಿದ್ದಾರೆ.

ಪಟ್ಟಣದಲ್ಲಿ ಶನಿವಾರ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಅವರು, ಕೇಂದ್ರದ ಈ ನಡೆಯಿಂದ ರಾಜ್ಯದ 2 ಕೋಟಿ ಸೇರಿ ದೇಶಾದ್ಯಂತ ಇರುವ 9 ಕೋಟಿ ಜನಸಂಖ್ಯೆಯಿರುವ ಲಿಂಗಾಯತ ಸಮಾಜದವರಿಗೆ ಅಪಮಾನವಾಗಿದೆ. ಲೋಕಸಭಾ ಚುನಾವಣೆಯಲ್ಲಿ ಲಿಂಗಾಯತ ಸಮುದಾಯವು ಬಿಜೆಪಿ ಪಕ್ಷವನ್ನು ಬೆಂಬಲಿಸಿದ್ದು, ರಾಜ್ಯದಿಂದ ಸಮಾಜದ 9 ಜನಪ್ರತಿನಿಧಿಗಳು ಸಂಸತ್ತಿಗೆ ಆಯ್ಕೆಯಾಗಿದ್ದಾರೆ ಎಂದರು.