ಪಣಜಿ(ಮಾಪ್ಸಾ): ಗೋವಾದ ಹಣಜುಣ ಪೊಲೀಸರು ನಡೆಸಿದ ಕಾರ್ಯಾಚರಣೆಯಲ್ಲಿ 1 ಕೋಟಿ 3 ಲಕ್ಷ ರೂ. ಮೌಲ್ಯದ ಮಾದಕ ಪದಾರ್ಥಗಳನ್ನು ಜಪ್ತಿ ಮಾಡಿದ್ದಾರೆ. ಹಣಜುಣದ ಸ್ಟಾರ್ಕೊ ಜಂಕ್ಷ ನ್ ಬಳಿ ಮಾದಕ ಪದಾರ್ಥ ಮಾರಾಟ ಮಾಡುತ್ತಿರುವ ಕುರಿತಂತೆ ಖಚಿತ ಮಾಹಿತಿ ಮೇರೆಗೆ ಪೊಲೀಸರು ದಾಳಿ ನಡೆಸಿ ಕೊಲೇರ್ ಕ್ರಿಸ್ತಿನಾ (35) ಎಂಬ ಆಸ್ಟ್ರಿಯನ್ ನಾಕರಿಕನನ್ನು ಬಂಧಿಸಿದ್ದಾರೆ. ಆತನಿಂದ ವಿವಿಧ ಪ್ರಕಾರದ ಸುಮಾರು 3 ಲಕ್ಷ 10 ಸಾವಿರ ರೂ. ಮೌಲ್ಯದ ಮಾದಕ ಪದಾರ್ಥ ಪತ್ತೆಯಾಯಿತು. ನಂತರ ಆರೋಪಿಯ ಬಾಡಿಗೆ ಮನೆಯ ಮೇಲೆ ದಾಳಿ ನಡೆಸಿದಾಗ ಅಲ್ಲಿ ಮಾದಕ ಪದಾರ್ಥ ತಯಾರಿಸುವ ರಾಸಾಯನಿಕಗಳ ಪ್ರಯೋಗಶಾಲೆಯೇ ಪತ್ತೆಯಾಗಿದೆ. ಇವುಗಳ ಅಂದಾಜು ಮೌಲ್ಯ 1 ಕೋಟಿ ರೂ. ಎಂದು ಪೊಲೀಸರು ಮಾಹಿತಿ ನೀಡಿದ್ದಾರೆ.
ಗೋವಾ: ಕೋಟ್ಯಂತರ ಮೌಲ್ಯದ ಮಾದಕ ಪದಾರ್ಥ ಜಪ್ತಿ
ಗೋವಾದ ಹಣಜುಣ ಪೊಲೀಸರು ನಡೆಸಿದ ಕಾರ್ಯಾಚರಣೆಯಲ್ಲಿ 1 ಕೋಟಿ 3 ಲಕ್ಷ ರೂ ಮೌಲ್ಯದ ಮಾದಕ ಪದಾರ್ಥಗಳನ್ನು ಜಪ್ತಿ ಮಾಡಿದ್ದಾರೆ...
Vijaya Karnataka 30 Nov 2018, 5:00 am