ಖೇಲೋ ಇಂಡಿಯಾ: ವೇಟ್‌ಲಿಫ್ಟಿಂಗ್‌ನಲ್ಲಿ ಸ್ನೇಹಲ್‌ಗೆ ಚಿನ್ನ

ಇಚಲಕರಂಜಿ : ಪುಣೆಯ ಬಾಲೇವಾಡಿಯಲ್ಲಿ ನಡೆಯುತ್ತಿರುವ ದ್ವಿತೀಯ ರಾಷ್ಟ್ರೀಯ ಖೇಲೋ ಇಂಡಿಯಾ ಸ್ಕೂಲ್‌ ಗೇಮ್ಸ್‌ ಸ್ಪರ್ಧೆಯಲ್ಲಿ ನಗರದ ವೆಂಕಟರಾವ ಪ್ರೌಢಶಾಲೆಯ ವಿದ್ಯಾರ್ಥಿನಿ ಸ್ನೇಹಲ್‌ ಸುಕುಮಾರ ಬೊಂಗಾಳೆ 87 ಕೆಜಿ ವೇಟ್‌ಲಿಫ್ಟಿಂಗ್‌ ಸ್ಪರ್ಧೆಯಲ್ಲಿ ಸುವರ್ಣ ಪದಕ ಪಡೆದಿದ್ದಾರೆ.

ಸ್ನೇಹಲ್‌ 87 ಕೆಜಿ ವೇಟಲಿಪ್ಟನಲ್ಲಿ 68ಕೆಜಿ ಸ್ನ್ಯಾಚ್‌ ಹಾಗೂ 92ಕೆಜಿ ಕ್ಲೀನ್‌ ಆ್ಯಂಡ್‌ ಜರ್ಕ್‌ ಸೇರಿ ಒಟ್ಟು 260ಕೆಜಿ ಭಾರ ಎತ್ತಿ ಪ್ರಥಮ ಕ್ರಮಾಂಕ ಪಡೆಯುವುದರೊಂದಿಗೆ ಸ್ವರ್ಣ ಪದಕ ತಮ್ಮದಾಗಿಸಿಕೊಂಡರು. ಕಳೆದ ವರ್ಷ ಹೊಸದಿಲ್ಲಿಯಲ್ಲಿ ನಡೆದ ಪ್ರಥಮ ಖೇಲೋ ಇಂಡಿಯಾ ಸ್ಪರ್ಧೆಯಲ್ಲಿ ಸ್ನೇಹಲ್‌ ಸ್ವರ್ಣ ಹಾಗೂ ಕಂಚಿನ ಪದಕ ಪಡೆದಿದ್ದರು.

ಸ್ನೇಹಲ್‌ಗೆ ಸಂಸ್ಥೆಯ ಪದಾಧಿಕಾರಿ, ಮುಖ್ಯಾಧ್ಯಾಪಕ ಸಂಭಾಜಿ ಖೇಚರೆ, ಉಪಮುಖ್ಯಾಧ್ಯಾಪಕ ಅಶೋಕ ಖೋತ, ನಿರ್ಣಾಯಕ ಎಂ.ಎಂ. ಮಹಾಕಾಳೆಯವರ ಪ್ರೋತ್ಸಾಹ, ಹಾಗೂ ಕ್ರೀಡಾಪ್ರಮುಖ ಗಣೇಶ ಬರಗಾಲೆ, ವಿಶ್ವನಾಥ ಮಾಳಿ, ಪ್ರದೀಪ ಪಾಟೀಲ, ವಿಜಯ ಮಾಳಿ, ರವೀಂದ್ರ ಚವಾಣ, ವಿಜಯ ಟಾರೆ, ಮಾರ್ಗದರ್ಶನ ನೀಡಿದ್ದರು.