ಮದುವೆಯ ವೇಳೆ ವರ ನಾಪತ್ತೆ!

ಬೆಳಗಾವಿ: ಮದುವೆ ದಿನವೇ ವರ ನಾಪತ್ತೆಯಾದ ಘಟನೆ ಹುಕ್ಕೇರಿ ತಾಲೂಕಿನ ಚಿಕ್ಕಾಲಗುಡ್ಡ ಗ್ರಾಮದಲ್ಲಿನಡೆದಿದೆ.

ಹುಕ್ಕೇರಿ ತಾಲೂಕಿನ ಕುರಣಿ ಗ್ರಾಮದ ಯುವಕ ಹಾಗೂ ಮಹಾರಾಷ್ಟ್ರ ಮೂಲದ ಯುವತಿಯೊಂದಿಗೆ ಮದುವೆ ನಿಶ್ಚಯವಾಗಿತ್ತು. ಚಿಕ್ಕಾಲಗುಡ್ಡದ ಮಂಗಲ ಕಾರ್ಯಾಲಯದಲ್ಲಿನ.28 ರಂದು ಮದುವೆ ನಡೆಯಬೇಕಿತ್ತು. ಬುಧವಾರ ರಾತ್ರಿ ನಡೆದ ವಿವಾಹ ಪೂರ್ವ ಕಾರ‍್ಯಕ್ರಮದಲ್ಲಿಪಾಲ್ಗೊಂಡಿದ್ದ ವರ, ಗುರುವಾರ ಬೆಳಗ್ಗೆ ಅರಿಶಿನ ಕಾರ್ಯಕ್ರಮದ ವೇಳೆ ನಾಪತ್ತೆಯಾಗಿದ್ದರು.

ಇದರಿಂದ ಅಸಮಾಧಾನಗೊಂಡ ವಧುವಿನ ಕುಟುಂಬ ಸದಸ್ಯರು, ಮದುವೆ ಇಷ್ಟವಿಲ್ಲದಿದ್ದರೆ ಮೊದಲೆ ತಿಳಿಸಬೇಕಿತ್ತು. ಮದುವೆಗಾಗಿ ಲಕ್ಷಾಂತರ ರೂ.ಖರ್ಚು ಮಾಡಲಾಗಿದೆ. ಮದುವೆಗೆಂದು ಮಾಡಿದ ಖರ್ಚು-ವೆಚ್ಚ ಭರಿಸಿಕೊಡಬೇಕು ಎಂದು ಕೋರಿ ಯಮಕನಮರಡಿ ಠಾಣೆ ಪೊಲೀಸರಿಗೆ ಲಿಖಿತ ಮನವಿ ನೀಡಿದ್ದಾರೆ.