ನೆರೆ ಪರಿಹಾರ ವಿಳಂಬ ಖಂಡಿಸಿ ಹುಲಗಬಾಳಿ ಗ್ರಾಮಸ್ಥರ ಪ್ರತಿಭಟನೆ

ಹುಲಗಬಾಳಿ: ಕಳೆದ ಆಗಸ್ಟ್‌ ತಿಂಗಳಲ್ಲಿಸುರಿದ ಧಾರಾಕಾರ ಮಳೆಯಿಂದ ಹುಲಗಬಾಳಿ ಗ್ರಾಮ ಸಂಪೂರ್ಣ ಹಾನಿಗೊಳಗಾಗಿ ಜನರು ತತ್ತರಿಸಿ ಹೋಗಿದ್ದರೂ ಈವರೆಗೆ ಅನೇಕ ಜನರಿಗೆ ಪರಿಹಾರ ದೊರಕದಿರುವುದನ್ನು ಖಂಡಿಸಿ ಸ್ಥಳೀಯ ನಾಗರಿಕರು ಪ್ರತಿಭಟನೆ ನಡೆಸಿದರು.

ಗ್ರಾಮದಲ್ಲಿನೆರೆ ಹಾನಿಗೊಳಗಾದ ಒಟ್ಟು 1200ಕ್ಕೂ ಹೆಚ್ಚು ಮನೆಗಳ ಸರ್ವೆ ಸರಿಯಾಗಿದ್ದು ಎ ಕಟಗರಿ ಯಲ್ಲಿರುವ 55 ಜನರಿಗೆ ಮಾತ್ರ ಹಣ ಜಮೆಯಾಗಿದೆ. ಉಳಿದ ಬಿ ಹಾಗೂ ಸಿ ಕೆಟಗರಿ ಯಲ್ಲಿರುವ ಜನರಿಗೆ ಒಂದು ಪೈಸೆ ಕೂಡ ಜಮಾ ಆಗಿಲ್ಲಎಂದು ಆಕ್ರೋಶ ವ್ಯಕ್ತಪಡಿಸಿದರು.

ಕಳೆದ ಡಿಸೆಂಬರ್‌ ತಿಂಗಳಿನಲ್ಲಿನಡೆದ ಉಪಚುನಾವಣೆಯನ್ನು ಇದೇ ಕಾರಣಕ್ಕೆ ಬಹಿಷ್ಕರಿಸಲಾಗಿತ್ತು. ಜಿಲ್ಲಾಧಿಕಾರಿ ಭರವಸೆ ಹಿನ್ನೆಲೆಯಲ್ಲಿಬಹಿಷ್ಕಾರ ಹಿಂಪಡೆದು ಮತದಾನ ಪ್ರಕ್ರಿಯೆಯಲ್ಲಿಗ್ರಾಮಸ್ಥರು ಪಾಲ್ಗೊಂಡಿದ್ದರು. ಆಗ ಸರಕಾರದ ಬಳಿ ಹಣದ ಕೊರತೆಯಿಲ್ಲಎಂದು ಹೇಳಿ ಭರವಸೆ ನೀಡಿದ್ದ ಜಿಲ್ಲಾಧಿಕಾರಿ ಸಹಿತ ಎಲ್ಲಜನಪ್ರತಿನಿಧಿಗಳು ಈಗ ತಮ್ಮದೇ ಕಾರ್ಯಗಳಲ್ಲಿಮಗ್ನರಾಗಿ ಇಲ್ಲಿನ ಜನಹಿತ ಕಡೆಗಣಿಸಿದ್ದಾರೆಂದು ಗ್ರಾಮಸ್ಥರು ದೂರಿದರು.

ಗ್ರಾಪಂ ಮಾಜಿ ಅಧ್ಯಕ್ಷ ಅಣ್ಣಪ್ಪ ಡೋಯಿಪಡೆ, ಸಂಜು ಹಾದಿಮನಿ, ಶಂಕರಗೌಡ ಪಾಟೀಲ…, ಸಖಾರಾಮ್‌ ಪವಾರ, ರಾಜು ಗಡೇಕರ, ಗಣೇಶ ಯಾದವ್‌, ನಾನಾ ಶಿಂಧೆ ಮತ್ತಿತರರು ಹಾಜರಿದ್ದರು.